Кышка таба атлыйбыз...
Шәһәр һәм районда җылылык, су белән тәэмин итү һәм юынтык су буенча хезмәтләр күрсәтү эшчәнлеген башкаручы Коммуналь челтәрләр тарафыннан быелгы җылылык ягу чорына нинди әзерлек эшләре башкарылды. “Минзәлә районы коммуналь челтәрләр” оешмасы генераль директоры Расим Габдрахманов белән әңгәмәбез шулар хакында.
– Расим Кавиевич, торак-коммуналь хуҗалыгы п р е д п р и я т и е л ә р е н д ә энергиянең нәтиҗәлелеген күтәрү – мөһим бурычларның берсе. Бу форсаттан нинди эшләр башкарылды?
– Агымдагы елда шәһәр һәм авыллардагы учреждениеләрдә 80 процентка тузган 9 данә газ казаны яңага, Туймазыда җитештерелгән RS-А маркалы казаннарга алыштырылды. Алар экономияле, энергиянең нәтиҗәлелеген күтәрүчән саналалар, файдалы коэффициентлары (КПН) 96 процентка кадәр.Капремонттан соң яңартылган бинага күченгән гимназияне (Чаллы тракты урамы) җылылык белән тәэмин итү өчен куәтле газ казаны урнаштыру таләп ителде. Шулай итеп “Газ казаннарын капремонтлау һәм алыштыру” республика программасы буенча блок-модульле казан урнаштырылды. Бу максат өчен 1 млн 400 мең сум акча бүлеп бирелгән иде. Шулай ук «Нефтяник» балалар бакчасының 500 кВт егәрлектәге блок-модульле газ казаны эксплуатациягә тапшырылды, ул киләсе, 2016 елгы эшләр исәбенә башкарылды. Узган ел Урыс, Кадрәк мәктәпләрендә 150-200 кВт егәрлектәге газ казаннары да «Газ казаннарын ремонтлау һәм алыштыру» программасы буенча урнаштырылган иде. Бу эшләр үзебезнең предприятие көче белән башкарып чыгылды.
– Хуҗәмәт мәктәбе укытучылар коллективы район башлыгы белән булган очрашуда мәктәпкә җылылык җитмәве турында гозерен җиткергән иде. Әлеге проб- лема бу кышта кабатланмас- тыр.
– Күпләрне борчый торган мәсьәлә иде инде ул. Җылылык җитмәү һәм мәктәпнең җылылык трассасы тузганлыктан, мәктәпнең котельнясыннан авыл клубын аерырга туры килде. Шуңа күрә клуб өчен 200 кВт егәрлектәге блок-модульле котельнясы урнаштыру ихтыяҗы килеп туды. Гимназиянең котельнясы яңартылды, ә элеккесе авыл клубына урнаштырылды. Авыл мәктәпләрендә дә котельня җайланмалары яңаларына алыштырылды: Хуҗәмәт һәм Аю мәктәпләрендә 200 кВт лы икешәр газ казаны, Иске Маҗын мәктәбендә 100 кВт лы бер котел, Айман авыл клубында бер RS-А 40 маркалы казаннар урнаштырылды.
– Бер нәрсә дә гомерлек түгел, җылылык трассалары да. Тузганнары исә яңарту көтә...
– Әйе, тузган җылылык трассаларын яңартып торырга туры килә. Җылылык хуҗалыгы службасы тарафыннан быел да иске җылылык челтәрләре яңартылды. Әйтик, «Нефтяник» балалар бакчасында 102 метр, гимназиядә 68 м, 3 нче санлы котельнядан 130 м, 2 нче санлы котельнядан 122 м җылылык челтәре, Аю авылында котельнядан авыл клубына кадәр – 72 м, Дәвектә котельнядан балалар бакчасына кадәр – 40 м, Хуҗәмәттә мәктәпкә кадәрге 83 м озынлыктагы җылылык челтәре яңартылды. Әлеге эшләр дә үзебезнең предприятие көче белән башкарылды.
– Котельняларның куркынычсыз эшләвен тәэмин итү буенча нинди чаралар башкарыла?
– Газдан файдалану җиһазлары кагыйдәләре таләп иткәнчә, 43 котельня буенча башкарма-техник документациягә экспертиза алынды. Болар буенча эшләрнең бәясе 2 млн 560 мең сум тәшкил итте.
Ел саен предприятиедә җылы- лык сезоны башланыр алдыннан газга эшләүче котельняларның җитәкчелек составын, инженерлык-техник персоналны, котельнялар операторларын укыту, аттестацияләү үткәрелә. Болар контроль-исәпләү приборлары, казаннар, сигнализаторлар автоматикасы, шартлау куркынычы булган производство объектлары средстволарының куркынычсыз эшләвенә җавап бирәләр. Предприятие мондый укытуларга һәм аттестацияләүләргә ел саен 300,0 мең сум акча сарыф итә.
Ел саен төтен юллары һәм вентиляция каналларын тикшерү эшләре оештырыла. Әлеге чара Бөтенроссия ирекле янгын җәмгыяте службасы тарафыннан башкарыла. Тикшерү нәтиҗәләре буенча төтен юллары һәм вентиляция каналларының янгын куркынычсызлыгына туры килүе турында заключение бирелә.
Гадәттән тыш хәлләр, авария- ләр һәм бәла-казалар була калган очракта предприятиедә 10 бензогенератор, күчмә дизель электростанциясе, стационар дизель генераторы бар. Тәүлек буена авария-диспетчерлык службасы эшли.
сан
Предприятие карамагында 126 котельня бар, аларда 256 газ казаны урнаштырылган, җылылык челтәренең озынлыгы 5,2 км. Шәһәрдәге 50 котельняның 47се диспетчерлык пульты белән идарә ителә. Быел гимназия белән «Нефтяник» балалар бакчасы котельняларына да ДЖСМ модем урнаштырылды, алар да диспетчерлык пультына тоташтырылган дигән сүз.
Әңгәмәдәш – Флүрә МУСИНА