Мобилизацияләү буенча әзерлек тикшерелде
Татарстан Республикасында мобилизацияләүгә әзерлек планы нигезендә ТР Министрлар Кабинетының Икенче бүлеге тарафыннан безнең районның мобилизацияләүгә әзерлеген комплекслы тикшерү үткәрелде.
Тикшерү комиссиясе сос-тавында ТР Министрлар Кабинетының Икенче бүлеге начальнигы Алексей Огородников, ТР промышленность һәм сәүдә министрлыгының мобилизацияләү эше буенча бүлек начальнигы Петр Чумаков, ТР икътисад министрлыгының режим, мобилизацияләүгә әзерлек, гражданлык оборонасы һәм гадәттән тыш хәлләр секторы мөдире Игорь Смирнов бар иде.
Районның җаваплы урыннардагы затлары комиссия алдында шушы юнәлештә үткәрелгән чаралар, билгеле бер шартларда эшләүгә әзерлек һәм мобилизацияләү заданиеләрен башкару турында сөйләделәр. Комиссия әгъзалары бу көнне мобилизацияләү буенча үткә-релгән учениеләрне карадылар. Бигрәк тә педкөллияттә үткәрелгән учениеләрне, до-кументацияләренең торышын уңай яктан бәяләделәр.
Комиссия тарафыннан район-ның мобилизациягә әзерлеге буенча зур кимчелекләр ачык-ланмады. Районның моби-лизацияләү буенча икътисад планының аерым пунктларын кабат карап чыгарга күрсәтмәләр бирелде, чөнки аны башкаруда барлык структуралар катнашырга тиешле. Билгеле бер шартларда районның җаваплы затларының тарайтылган составының эше һәм авыл хуҗалыгы продукциясе белән тәэмин итүгә әзерлекнең яхшы оештырылганлыгы бил-геләп үтелде. Яңа планны төзегәндә барлык структур подразделениеләрнең дә катнашуын оештырырга тәкъдим ителде. Район хәрби комиссариатына мобилизацион чаралар буенча үзләренә йөкләнгән мәсьәләләрне башкаруда кимчелекләрен төзәтергә кушылды.
Флүрә МУСИНА