Тракторлар бик күп алар...
Дәүләт техник күзәтчелеге бүлеге юл хәрәкәте иминлеге дәүләт инспекциясе белән берлектә “Частник” профилактик операциясе үткәрә башлады.
Аның максаты – шәхси тракторларда, үзйөрешле авыл хуҗалыгы, юл-төзелеш һәм башка төр машиналарда, аларның тагылма коралларын файдаланганда, юл хәрәкәте иминлеген, техника куркынычсызлыгын тәэмин итү һәм әйләнә-тирә мохитне саклау.
Бу операция барышында төп игътибар трактор- ларның, үзйөрешле машиналарның һәм тагылма коралларның теркәү документлары, техник карау узу турындагы таныклык, тракторчы-машинистның та- ныклыгы булуы, шулай ук үзйөрешле техниканың һәм тагылма коралларның техник торышына (аларның куркынычсыз йөрүен тәэмин итү) юнәлдерелә.
Районыбызда шәхси кулларда төрле маркадагы 400 берәмлек, ә хуҗалыкларда 230 берәмлек трактор исәпләнә.
Районыбыз территориясендә “Комбайн-2015” операциясе үтте. Бу операция барышында ОСАГО полислары һәм башка документларның булуына аерым игътибар бирелде. Әлеге операция барышында хуҗалыклар һәм фермерларның комбайннарында 6 тәртип бозу очрагы теркәлгән, 3 күрсәтмә язу булган. Гомумән алганда, “Мензелинские зори” агрофирмасы һәм “Заиковский” хуҗалыгы комбайннарының барысы да тәртиптә икәне ачыкланды.