Юл хәрәкәте әлифбасы

Без тиешле нормаларны һәм тәртип кагыйдәләрен сакларга тиеш булган җәмгыятьтә яшибез. Юл читләрендә уйнаучы, юлны тиешле урыннан чыкмаучы һәм җәмәгать транспортына дөрес кермәгән һәм чыкмаган балалар юл- транспорт һәлакәте корбаннары булып торганда бу бигрәк тә актуаль.

2 нче урта мәктәптә 3Б сыйныфы укучылары кат­нашында “Юл хәрәкәте әлифбасы” дигән чара үтте. Бәйрәм музыкаль- уен формасында булды, өйрәнелгән юл хәрәкәте кагыйдәләрен ныгыту өчен алымнар кулланыл­ды.

Башлангыч сыйныф- лар укытучысы Зөлфия Вәлиуллина уку- чыларның урамда тәртип кагыйдәләре ту­рында белемнәрен тирәнәйтте. Юл хәрәкәте кагыйдәләрен бозуның аяныч нәтиҗәләргә ките-рүен балалар төрле ситуацияләрдә үзләре күрделәр.

– Урамнарны һәм юл­ларны балалар өчен ничек итеп куркыныч­сыз итәргә? Әлбәттә, без, аларга юл хәрәкәте кагыйдәләре, юл билге- ләре турында төрле фор­мада чаралар үткәреп сөйлибез. Без еш кына юл йөрү кагыйдәсе бу­енча чаралар үткәрәбез, әйләнә-тирә, тормыш иминлеге дәресләрендә сөйлибез. Мин ыша­нып әйтә алам, безнең балалар юл хәрәкәте кагыйдәләрен беләләр һәм үтиләр, – диде укы­тучы.

– Мин юл хәрәкәте кагыйдәләрен һәрвакыт үтим. Әгәр алар­ны үтәмәсәң, ахыр­гы нәтиҗәләре аяныч булуы мөмкин, – дип үзенең фикерләре белән бүлеште укучы Азалия Якушева.

Чара тәмамлангач, юл хәрәкәте иминлеге дәүләт учреждениесенең Минзәлә филиалы на­чальнигы Наталья Же­лезкова юлларда юл йөрү куркынычсызлы­гы кагыйдәләрен үтәү мөһим икәнлеген тагын бер кат әйтеп үтте. Ул яктырткычлы стикерлар таратты, аларны киемгә яки портфельгә ябышты­рып була, шулай ук “Яшь җәяүле” дәфтәре, аның ярдәмендә укучылар юл хәрәкәте кагыйдәләрен кабатлый, юл билгеләре белән таныша, ут кай­тара торган җайланма белән таныша һәм хәтта ата-аналар белән бергә өйдән мәктәпкә куркы­нычсыз маршрут ясый алалар.

– Балаларны юл хәрә- кәте кагыйдәләренә өйрәтү бүгенге көндә актуаль. Кайбер ба­лалар икенче смена­да укый, мәктәптән караңгы вакытта кайта, шуңа күрә аеруча игъ­тибарлы булырга кирәк, киемнәрендә яктырткыч элементлар булырга тиеш, – дип аңлатты На­талья Железкова.

Илсөяр ХӘЕРТДИНОВА