Күңеле дә чиста, ак аның

Тумышы белән ул Сарсаз- Тралы авылыннан. Педаго- гик эшчәнлеген Мәлкән, Урыс урта мәктәпләрендә баш- лап җибәрә. Казан дәүләт университеты филология факультетының татар теле һәм әдәбияты бүлеген тәмамлаган, шактый эш тәҗрибәсе туплаган энергияле белгечне педагогия көллиятендә дә хуплап каршы- лыйлар. Ә инде язмышын Зөфәр белән бәйләгәч, икеләнмичә, Яңа Тәкермән авылына кайтып, Кадрәк урта мәктәбендә укыту- ын дәвам итә. Альбина Әбелгаян кызы озак еллар тәрбия эшләре буенча директор урынбасары, педа- гог-оештыручы булып торды. Укучылары аны география укытучысы буларак та бик яраталар. Кабинеты заман- ча җиһазландырылган, техник чараларга, фәнни-методик әдәбиятка бай. Һәр дәресенә, мавыктыргыч үткәрү өчен, җентекләп әзерләнә. Яңа пе- дагогик технологияләрне кул- ланып, чор таләпләренә җавап бирерлек итеп оештыра. Фән атналыклары, интеллекту- аль бәйгеләр балаларда зур Күңеле дә чиста, ак аның кызыксыну уята. Республи- ка күләмендә узган фәнни- гамәли конференцияләр һәм укуларда да актив катнаша ул. Уңышлары да куанычлы: уку- чылары рәсәйкүләм “Илһам” иҗат бәйгесе лауреатлары, Иж-Бубый регионара укуларда җиңүчеләр. Әдәби телдә матур итеп сөйләү күнекмәләрен үстерү, бердәм дәүләт имтиханнарына әзерләнү мәсъәләләренә дә зур игътибар бирә. Имтиханнарда укучылары яхшы билгеләргә тәңгәл килерлек баллар җыйды, районкүләм олимпиадаларда да призлы урыннар гына алып килә. Аның гомере укучыларының ата-аналары, авылдашлары белән дә тыгыз аралашып уза. Ачык күңелле, юмарт, эчкерсез булганы өчен яраталар аны. Бер генә бәйрәм дә аннан башка узмый, чөнки ул оста оешты- ручы да, гореф-гадәтләребезне бөтен нечкәлекләренә кадәр белүче дә. Туры карашлы, га- дел булуы аңа карата ихтирам хисләрен тагын да арттыра. Укытучылык һөнәрен сайла- вына бер дә үкенми, һәрвакыт янып яшәүче оптимист кеше ул. Үзенең остазына – гомере буе Кадрәк урта мәктәбендә татар теле һәм әдәбияты укытучысы булып эшләгән Фәридә Сәгыйть кызы Нәҗмиевага – рәхмәте зур аның. Аның үрнәгендә Альбина Әбелгаян кызы да үзенә лае- клы алмаш әзерли. Үз һөнәренә мәхәббәт уяткан дистәләгән уку- чысы арасында кызы Алсу да бар. Алсу Казан (Идел буе) фе- дераль университетының Алабу- га институтының татар филоло- гиясе бүлегендә белем ала. Кайчан гына очратсаң да, һәрчак ачык йөзле, мөлаем ка- рашлы, күзләре үзенә бертөрле мөлаемлык белән нур сирпүче Альбинаның ышанычлы терәге – аның гаиләсе. Ире Зөфәр (“Минзәлә” агрофирмасының баш агрономы) һәм улы Илнар укытучының бетмәс-төкәнмәс эш-мәшәкатьләрендә булышып, бик ярдәмләшеп, гаилә җылысын саклап, килешеп яшиләр.