Әнисенең юлын дәвам итеп...

Татар Мөшегесе авылында туып, горур таулар кочагында уй- нап үскән Рима Галимәрдәнова Алабуга педагогика институ- тының филология факульте- тын тәмамлагач, 1984нче елда үзенең хезмәт юлын Югары Тәкермән урта мәктәбендә башлап җибәрә. Соңрак исә ту- ган авылына, әнисе Клавдия Алексеевна Смирнова салдыр- ган мәктәпкә эшкә кайта. Ул мәктәптә балаларга рус теле һәм әдәбиятын укыта башлый. 1988 нче елда Рима, үзенең яраткан укучыларыннан ае- рылып, белемен арттырырга мәгрифәт учагы булган Казан шәһәренең 1 нче мәктәбенә эшкә китә. Анда ул рус балала- рына татар телен укыта. Туган телен яратуы, аны үстерергә, яшәтергә омтылуы аны 11 ел буе шушы өлкәдә хезмәт ку- ярга этәрә. Укытучы үз-үзен тотышы, эмоциональ матур сөйләме белән укучыларда ту- ган җиргә, туган телгә мәхәббәт, ата-анага, өлкәннәргә кара- та шәфкатьлелек хисләре тәрбияли. Ул укучыларның мөстәкыйль рәвештә фикерләү сәләтен үстерүгә, грамоталы язуларына һәм сәнгатьле укула- рына нык игътибар итә. 1992 нче елда аның эшчәнлеген бәяләп РФ халык мәгарифе отличнигы исеме бирелә. 1999 нчы елны исә ул Татарстанның атказанган укытучысы исеменә лаек була. 2000 нче елда ул Татар Мөшегесе авылына эшкә кайта һәм җиң сызганып эшкә керешә. Укыту эшчәнлеге белән бергә ул фәнни эш белән дә шөгыльләнә башлый. Аны туган як табига- те, аңа карата саксыз караш, балаларга экологик белем бирү мәсьәләсе борчый. Рима Галимәрдәнова шушы темага 2011елда профессор, педагогия фәннәре докторы Фираз Фахраз улы Харисов җитәкчелегендә диссертация яклый. “Татар теле һәм әдәбияты дәресләрендә экологик тәрбия” дигән брошю- расы бастырыла. Бер үк вакытта мәктәп, рай- он күләмендәге конкурсларда да катнаша. 2006 нчы елда “Ел укытучысы” конкурсында җиңүгә ирешә. РФ һәм ТР ның мак- Әнисенең юлын дәвам итеп... тау грамоталарына лаек була. Ул укучылар белән дә төрле эзләнүләр алып барып, проект эшләре эшли. Бу эшләрдә ярдәм итүче, дәрт бирүче җан яртысы, тормыш иптәше Ралиф Ханов белән иңгә-иң куеп, бер ул үстерәләр. Уллары Шамил дә, үзләренә охшап, бик талантлы, тырыш. Мәктәптә яхшы билгеләренә генә укуы өстенә ул баян, курай, синтезаторларда өздереп уй- ный, спорт белән шөгыльләнә. 88 яшьлек сугыш ветераны бул- ган әтисе Нәҗип Галимәрдәнов аларның гаиләсендә иң хөрмәтле, иң кадерле кеше. Ул бар яклап та киңәшче, авылы- быз аксакалы. 2010 нчы елда Рима Нәҗип кызы Галимәрдәнованы әнисе Клавдия Алексеевна Смирнова исемен йөрткән туган мәктәбенә директор итеп билгелиләр. Тынгы- сыз авыр хезмәт башланып китә. Кул астында эшләгән кешеләргә карата гадел, игъти- барлы, өлкәннәргә ихтирамлы булган эш сөючән, тырыш, тынгы- сыз Рима авырлыкларга биреш- ми, сыгылмый. Ул үзенең ярат- кан шөгылен ташламый, авыл тарихы музее белән җитәкчелек итүен дә дәвам итә, авылдагы төрле мәдәни чараларда актив катнаша. Туган авылына кара- та булган мәхәббәтен аның үзе иҗат иткән “Мөшегем – гомер бишегем”дигән җыр сүзләрендә дә күрергә була. Быел 2015 нче елда респу- блика күләмендә үткәрелгән “Женщина Года. Мужчина года: женский взгляд” бәйгесендә катнашып “ Хатын-кыз галимә” номинациясендә Рима Галимәр- дәнова беренче урынны яула- ды. Ул үзенең эше, тормышы, яшәеше белән күпләргә үрнәк.