“Алгарыш”ның икенче чыгарылышы

Урак чорында “Татмедиа” филиалы коллективы район авыл хуҗалыгы һәм азык-төлек идарәсенең производство-маркетинг бүлеге начальнигы Нурлыгаян Нәбиев һәм хуҗалык бухгалтерлары ярдәме белән “Уңыш” дип аталган оператив мәгълүматлар бите чыгарып килде. Үткән атнада аның соңгысы чыкты.

Беренчел якынча мәгълүматлардан күренгәнчә, комбайн­чылар арасында беренче урын­да “Тукано-Класс” комбайны белән Рәис Абдуллин бара – 23854 центнер, икенче урын­да “Акрос” белән Илгиз Шия­пов – 23094, өченче – Андрей Андреев, шулай ук «Тукано» – 22588. “Дон”да эшләүче Илгиз Бикмухаметовның 13966 цент­нер ашлык суктыруын да әйтергә кирәк.

Бу мәгълүматлар үзгәрәчәк, үсәчәк әле. Чөнки басуларда бөртеккә суктырыласы рапс, кукуруз бар. Ә иҗат коллективы туфрак эшкәртүне, кукуруз уру­ны тулырак яктыртып бару өчен “Алгарыш” кушымтасын чыгара башлады.