Дәвалауга караганда кисәтү җайлырак

Дәвалауга караганда кисәтү җайлырак

Малларда куркыныч инфекцион авыруларны булдырмау максатыннан район ветеринария табиблары тарафыннан малларга һәрдаим профилактик вакциналар ясала, тикшеренүләр уздырыла.

Профилактик чаралар вакытында уздырылу сәбәпле, авыл хуҗалыгы малларында очрый тор­ган инфекцион авырулар буенча районда хәлләр әлегә тотрыклы. Инфек­цион авыруларның иң куркынычы булып котыру авыруы санала. Агымдагы елда Татарстан республи­касы территориясендә ко­тыру авыруы очраклары ешайды. Җиде ай эчендә республикабызның 36 районында малларның котыру авыруы йоктыр­ган 240 очрагы теркәлде. Бу узган елның шул чоры белән чагыштырганда 6,3 тапкырга күбрәк (38 оч­рак).

Безнең районда хай­ваннар тешләвеннән 119 кеше зыян күрде. Аларның һәрберсенә дә антирабиг ярдәм күрсәтелде.

Бүгенге көндә район­да көзге эпизоотик чара­га каршы планлы эшләр башланды (бруцеллез, лейкоз авыруын ачыклау- га кан алулар, туберку­лезга тикшерү, себер яз­васына, котыру авыруына каршы авыл хуҗалыгы һәм шәхси хуҗалыктагы малларга вакцина ясау). Минзәлә районының ве­теринария берләшмәсе вәкилләре үз шәхси хуҗалыкларында мал то­тучы гражданнарга әлеге чараларда катнашырга, аңлап эш итәргә чакыра. Авыруны булдырмауга караганда, кисәтү күпкә җайлырак.

сан

2015 елда район күләмендә себер язвасына каршы 19982 баш мөгезле эре терлеккә, 480 баш атка, 3214 баш мөгезле вак терлеккә вакцина ясалган. Эмфизе­матоз карбункулдан 12487 баш мөгезле эре терлек, котыру авыруыннан 9841 баш мөгезле эре терлек, 7531 баш эт, 619 баш песи вакцинацияләнгән. Тубер­кулез авыруына 15860 баш, бруцеллездан 9144, лей­коздан 9136 баш мөгезле эре терлек тикшерелгән.

Ленар ХӘЙБУЛЛИН, ветеринария берләшмәсе начальнигы