Бер сыерга – 10,3 кило сөт
Район хуҗалыклары терлекчеләре 3 сентябрь көнне 58 тонна сөт җитештерделәр, бу бер сыерга исәпләгәндә 10,3 килограмм дигән сүз.
Район терлекчеләре узган елның шул чоры белән чагыштырганда 3 тонна сөтне артык җитештерәләр. Терлекчелектәге “көзге чокыр” дигән термин быел август аена туры килде. Бу кимү барлык районнарга да кагылды. Терлекләрне фермаларга кайтарганчы дәвам итәргә мөмкин. Төп сәбәпләрнең берсе – агрофирмалар сыерларны бракка чыгару белән мавыга башлаганнар. Бу хакта “Заиковский” хуҗалыгында булган семинарда кискен сөйләшү булды. Бу хакта газетабызның алдагы саннарында укыгыз, menzela.ru сайтында карагыз, сишәмбе көне 13 сәгатьтә “Минзәлә дулкыннары” радиосы чыгарылышында тыңлагыз. Әмма сентябрьдә районда терлекләрне ашату, тәрбияләү, карау буенча алып барылган технологик чылбырның стабильлеккә китерәчәгенә шик юк.