Иң кыска юл – электрон аралашу
“Дәүләт һәм муниципаль хезмәтләрне тәкъдим итү турында”гы Федераль закон нигезендә дәүләт власте органнары гариза язучыдан башка ведомство карамагында булган документ һәм мәгълүматларны сорарга тиеш түгелләр.
Бүгенге көндә дәүләт теркәлүе узу өлкәсендәге дәүләт хез- мәтләре күрсәтелүче секторда гариза бирүчегә юридик затлар өчен Бердәм дәүләт реестрыннан (ЕГРЮЛ) выписка алуның кирәге юк. Закон нигезендә, дәүләт теркәве уздыручы орган, ведомствоара аралашып эшләү системасында катнашучы буларак, дәүләт теркәве уздыру өчен кирәк булган мәгълүматлар алу өчен салым органына мөстәкыйль рәвештә запрос ясый. Практикада исә ведомствоара запрос ведомствоара электрон аралашу системасы ярдәмендә электрон документ буларак формалаштырыла.
“Күчемсез милек һәм аның белән килешүләр ясау турында”гы ФЗ нигезендә дәүләт теркәве узучы документлар хокукый экспертиза узарга тиеш. Дәүләт теркәвенә документлар, гадәттәгечә, килешүләр төзү өчен, шул исәптән күчемсез милек белән сату-алу килешүләре ясау өчен тапшырыла. Кагыйдә буларак, дәүләт теркәве уздыручы тарафыннан ике якның да документлары тикшерелә. Документларны анализлаганнан соң, дәүләт теркәве уздыручыда кайбер документлар буенча сораулар туарга, өстәмә мәгълүмат таләп ителергә мөмкин. Ә гариза бирүче тарафыннан әлеге мәгълүматларга төгәллек кертүче документлар тапшырмаган да булырга мөмкин. Тикшерү барышында килеп туган сорауларга ачыклык кертү максатыннан ТР Росреестр идарәсе хезмәткәрләре кирәкле мәгълүматны төрле оешмалардан ведомствоара электрон аралашу системасы ярдәмендә соратып алалар.
Шул рәвешле, дәүләт (муниципаль) органнары арасындагы ведомствоара бәйлелек процедурасы ТР Росреестр идарәсенә күчемсез милек белән бәйле яңа электрон мөмкинлекләрне эффектлы файдаланырга, гариза бирүчегә дәүләт теркәве уздыру процессын гадиләштерергә һәм артык финанс чыгнымнарыннан качарга, вакытны янга калдырырга мөмкинлек бирә, төрле инстанцияләргә мөрәҗәгать итүнең кирәге калмый, дип хәбәр итә ТР Росреестр идарәсенең матбугат хезмәте.