Кошчылык комплексында эш кайный

Наратлы Кичү авылында “Энерго-М” ҖЧҖ төзелеш фирмасы төзүчеләре иске фермаларның түбәләрен экскаватор ярдәмендә ватып клюшкаларын гына калдырдылар.

Ул чүпләрне читкә ташу өчен ике “КамАЗ” автомашинасы 600 дән артык рейс ясаган һәм 5 мең кубометрдан артык чүп чыгарылган. Хәзерге вакыт­та тугыз торак чистартылып бетте. Төзүчеләр быел дүрт торакны сафка бастырыр­га уйлыйлар. Бүгенге көндә биредә прораб Федор Афана­сьев җитәкчелегендә 14 кеше хезмәт куя. Төзүчеләр берен­че торакның эшләрен бете­реп, икенче торакны төзергә керешкән. Төзүчеләр Нурулла Шәйхелисламов, Фәннүр Сала­хов, Илсур Нәбиуллин, Илнур Шәрәфетдинов, Раил Галиев һәм башкалар ал-ял белми хезмәт куялар. Монтажчылар Рафис Сәлимгәрәев, Сергей Васильев икенче торакны мон­тажлый башлаганнар. Беренче торакның түбәсен профнастил белән ябып, бишәр сантиметр- лы, ө ч к атлы т ехноникол м а­териалы белән җылытканнар, идәненә 25 сантиметр ка­лынлыкта ком түшәгәннәр, тигезләп, тиздән 20 сантиметр калынлыкта бетон җәяргә план­лаштыралар. Биредә бер торак­ны сафка бастыргач, йомырка сала торган 12 мең баш тавык үрчетәчәкләр. Тораклар сафка басу белән монда бер көнлек бройлер чебиләрне фәнни нигездә үстереп, 38 көнлек бул­гач, аларны тавык чалу цехына озатачаклар. Бер торакта 19-20 меңгә чаклы чеби асрау күздә тотыла. Кошчылык комплексын­да инкубатор, тавыкларны чалу цехы һәм башка объектларны да төзергә планлаштыралар. Кошчылык комплексы төзелеп беткәч, ул елына дүрт мең тон­на тавык ите җитештерәчәк, 120 кешегә эш урыны булачак.

Дилфас ГАЛИЕВ