Тамчыдан күл җыела

2013 елда ТР Министрлар Кабинеты гражданнарның үзара салымына кагылышлы карар кабул иткән иде. Ул шуннан гыйбарәт, җирле әһәмияткә ия булган конкрет мәсьәләне чишүгә үзара салым кертүне тәэмин иткән муниципаль берәмлеккә ТР бюджетыннан акча бүлеп бирелә. Аның суммасы үзара салым суммасыннан 4 тапкырга күбрәк. Әлеге мәсьәлә буенча безнең авыл җирлекләрендә хәлләр ничегрәк соң?

Эльвира Фассахова, район Советының оеш­тыру бүлеге начальни­гы:

– 2014 елда үзара салым кертү турында референдум Әтрәк- ле һәм Хуҗәмәт авыл җирлекләрендә генә үткәрелгән иде. Бы- ел ул барлык авыл җирлекләрендә дә үткәрелде. Референ­дум нәтиҗәләре “Мин- зәлә” район газетасы битләрендә басылып чыкты. Үзара салым авыл җирлекләрендә яшәү урыны буенча теркәлгән һәрбер балигъ булган кешедән алына. Мондый төр салым 1 һәм 2 груп­па инвалидлардан, Бөек Ватан сугышы һәм су­гышчан хәрәкәт ветеран­нарыннан, толлардан, күпбалалы гаиләләрдән, көндезге бүлекләрдә уку­чы студентлардан алын­мый. Аның күләме 200- 300 сум итеп билгеләнде.

Нина Титова, Яңа Маҗын авыл җирлеге башлыгы вазыйфала­рын башкаручы: – Безнең авыл җир- легендә барлыгы 382 кеше яши, шуларның 217се үзара салым бу­енча үткәрелгән рефе­рендумда катнашты, катнашучыларның 80 проценты уңай тавыш бирде. Үзара салым 286 кешедән җыелачак, аның күләме һәр кешедән 300 сум дип билгеләнде. Безнең җирлектә яшәү- челәрне авыл эчендәге юллар борчый, Яңа Маҗында да, Богода­ровкада да шул про­блема. Үзара салым хисабына шушы юллар­ны һәм авыл зиратын төзекләндерергә уйлый­быз, урамнарга яктырт­кычлар урнаштыруны да шушы средстволар хи­сабына хәл итәргә план­лаштырдык.

Гөлназ Вильданова, Хуҗәмәт авыл җирлеге башлыгы:

– Без үзебезнең җир- лектә үзара салым түләүне кертү турында узган ел да референдум үткәргән идек. Мондый төр салымны 100әр сум­нан 18 яшьтән олырак кешеләрдән җыйдык. Кызганычка каршы, әлеге сумманы биреп җиткермәүчеләр дә бар, аның әһәмиятен аңлап бетермиләр дияр идем. Үзара салым өчен рес- публика бюджетыннан акча бүлеп бирелүен көтәбез. Быелгы ре­ферендумда 706 кеше катнашты (77 процент), шуларның 81 проценты уңай тавыш бирде. Быел үзара салымның күләме 300 сум. Үзара салым хисабына Хуҗәмәттәге паркны төзекләндерергә, Усай, Бакчасарай, Яңа Александровка авылла­рында урамнарга электр лампалары урнаштырыр идек дип торабыз.

Мәгъсүм Гаделшин, пенсионер, (Бикбау авылы):

– Үзара салым түләү кертелүенә бер дә гаҗәпләнмәдем, моңа уңай карыйм. Барысы да үзебез өчен, авыл­да яшәүчеләр өчен бит. Күмәкләшеп башкара торган эшләр булдымы, гадәттә, без өмә ясый­быз. Әйтик, аргы якка күперне ел саен шулай салабыз. Җыелган акчага төзелеш материаллары алына, балта осталары­на түләнә. Күпер салмас идек, печәнне шунда ча­бабыз. Хәлдән килгәндә әле мал асрыйсы килә. Аннары су башнясын­да насос янып чыкса да, яңасын алыр өчен бары­быз да кушыла. Рәхәттә яшибез: өйгә су кергән, газ бар, авыл эчендәге юлларны төзекләндерүгә дә игътибар итәләр. Теге яки бу эшне башкару өчен зур булмаган сум­мада үзара салым җыела икән, ул безнең, авыл халкының тормышын ях­шыртуга эшләнә бит.

Рөстәм Газизянов, Әтрәкле авыл җирлеге башлыгы:

– Без узган ел да ре­ферендумда катнашкан идек. Авылда урам юл­ларын һәм зиратларны төзекләндерүгә, сква­жиналарны карап тотуга дип һәр кешедән 300әр сум үзара салым җыйган идек. Быел аның күләмен 200 сум дип билгеләдек. Халыктан 130 мең сум акча җыелды. Үзара са­лым акчасы авылларны төзекләндерүгә (ТБОны җыю һәм түгүне оеш­тыруга, зиратларны ка­рап тотуга) тотылачак. Бүгенге көндә шушы үзара кертем хисабына Рус Мөшегедәге зират коймасын профнастил белән әйләндереп алу эшләре бара.

Сораштырды Флүрә МУСИНА