Тәгәрмәч тә алыштырдылар

“Автоледи” бәйгесендә төрле яшьтә һәм төрле һөнәр ияләре булган, ләкин шул ук вакытта аларны уртак мавыгу – машина йөртү берләштергән дүрт хатын- кыз үзара көч сынашты.

– Елдан-ел машина йөртүче хатын-кызларыбыз саны күбәя, ә мондый конкурсларда катна­шу аларның осталыкларын арт­тыра гына. Руль артына утыр­ган хатын-кыз практик яктан машина йөртүдә ир-атлардан күпмедер дәрәҗәдә калышса да, алар төгәлрәк, игътибарлы­рак, теоретик яктан караганда күпкә белемлерәк. Конкурсның теоретик этабы нәтиҗәләре дә шуны раслый, – ди юл хәрәкәте иминлеге буенча фәнни һәм белем бирү программаларын финанслау дирекциясенең Минзәлә филиалы начальнигы Наталья Железкова.

Ярыш башланганчы авто- йөреш уздырылды. Конкурс- та катнашучылар, ДОСААФ автомәктәбе хезмәткәрләре, үз автомобильләренә уты­рып, шәһәрне әйләнделәр. Соңыннан барысы да ярыш узачак автодромга җыйналдылар. Беренче этапта автоледилар 20 имтихан со­равына дөрес җавап бирергә тиеш иделәр. Практик өлештә исә гүзәл затларыбыз үзләрен машинаны фигуралы йөртүдә сынап карадылар. Быелгы конкурсның яңалыгы булып вакытка тәгәрмәч алышты­ру булды. Болардан тыш, һәр катнашучы үз “Визитка”сын әзерләгән иде: машиналарын төрле тасмалар, бантиклар бе- лән бизәгәннәр, фара өстендә хәтта керфекләр дә күрергә мөмкин иде.

– Әлеге конкурста икенче тапкыр катнашам. Беренче тапкыр 2013 елда катнашкан идем. Ул вакытта әле минем машина йөртү стажым бер генә ел иде, шуңа күрә дүртенче урынны гына алдым, – дип, уй- кичерешләре белән уртаклаш­ты конкурста катнашучы Алсу Антипова.

– Узган ел беренче урын­ны алган идем, Казандагы конкурска да бардым. Быел әзерләндем дип әйтә алмыйм, шулай да көчемне сынап кара­сы, кешеләр белән аралашасы килә, – ди конкурсант Анаста­сия Гассман.

Конкурс нәтиҗәләре буенча Анастасия Гассман җиңүче бул­ды.

Илсөяр ХӘЕРТДИНОВА