Батырлык онытылмый

Шәһәрнең Җиңү паркында, һәлак булганнар истәлегенә куелган мемориал янында хәтер һәм кайгы митингы узды.

Митингны оештыручы­лар район ветераннар советы белән берлектә күппрофильле “Веста” яшьләр үзәге булды, анда катнашкан кешеләр алдын­да район сәламәтләндерү лагерьларында ял итүче балалар шигырьләр сөйләделәр. Анда Ва­танны саклаган ветеран­нар, тыл хезмәтчәннәре, яшьләр, укучылар һәм шәһәрдә яшәүчеләр ча­кырылган иде. Алар сугыш кырларында Ватаныбыз азатлыгы өчен башларын салган якташларыбызны искә алдылар. Катнашучы­лар алдында хәрби комис­сар Сергей Владимиров, район ветераннар советы рәисе Заһир Зыятдинов, ветераннар Михаил Тю­ кин, Иркәнәш ветераннар советы рәисе Ягъфәр Ха­физов чыгыш ясады.

– Фронт линиясе безнең шәһәргә килеп җитмәде, әмма ләкин күпме кеше сугышка китте. Без алар алдында баш ияргә, тез чүгәргә һәм хөрмәт белән карарга тиеш, алар елдан- ел аз кала бит.

Якташларның истәлеген бер минут тынлык белән искә алдылар. Митинг­та катнашучылар илебез азатлыгы өчен башла­рын салган сугышчылар истәлегенә куелган мону­ментка чәчәкләр салды­лар. Безнең һәрберебез үзләрендә һәлак булган сугышчыларның таләпчән карашларын тойсын, йөрәкләренең чисталык- ларын ишетсен, бөтен буынның җавалылыгын тойсын иде. Аларның ба­тырлыклары алдында баш иябез.

безнең өстәмә

Минзәлә, Ворошилов, Калинин районнарын­нан Минзәлә хәрби комиссариатыннан фронтка 11560 кеше җибәрелә, шуларның 8 меңе туган йортларына әйләнеп кайта алмый.

Флүрә МУСИНА