Уңайлыклар җаваплылыкны да арттыра

Кадрәк авылында яңа төзелгән модульле ветеринария пунктын ачу тантанасы булды.

– Татарстан җитәкчелегенең ветеринария хезмәтенә шулай йөз белән борылып, авылларда ха­лыкка хезмәт күрсәтүче ветеринария пунктла­ры төзелә башлавы зур сөенеч ул, – дип авыл халкының шатлыгын ур­таклашты тантанада кат­нашучы район башлыгы Айдар Салахов.

Ветеринария пунктында хезмәт күрсәтү өчен бөтен шартлар ту­дырылган: мөдир каби­нетыннан тыш аптека, осеменатор кабинеты, операция ясау бүлмәсе җиһазландырылган, теле­фон эшләп тора.

Тантанада катнашкан ТР Министрлар Каби­неты баш ветеринария идарәсе җитәкчесе Ал­маз Хисаметдинов ве­теринария пунктын кот­лап компьютер алу өчен сертификат тапшырды, 2017 елга кадәр барлык документациянең ком­пьютерга кертелгән бу­луына ирешергә тиешбез дип ветеринарларга бу­рычлар да куйды.

Кадрәк ветеринария участогы зонасында­гы авылларга 33 еллык хезмәт стажына ия бул­ган Сәлим Мөхәммәдиев җитәкчелегендәге вете­ринарлар хезмәт күрсәтә, болар ветфельдшер Артур Гафуров, вете­ринария табибы Марат һәм ветфельдшер Ла­риса Мөхәммәдиевлар. Моңа кадәр дә авыру мал янына ярдәмгә ашы­гып, халык ихтирамын яулаган ветеринарларга уңышлар теләде тантана­га җыелган авыл халкы.

Рәфилә Юнусова, Кадрәк төп гомуми белем бирү мәктәбе директорының укыту- тәрбия эшләре буенча урынбасары, Гөлсинә Рәхмәтуллина, педагог- оештыручы:

– Мал асраган кешегә даруы да кирәк, төрле оч­раклар була бит ул. Әлеге пункт ветеринарларның үзләренә дә, авыл халкы­на да күп уңайлыклар ту­дыра, шунда ук аптекасы да эшләячәк. Безнең авыл ветеринары Артур ты­рыш, ярдәмчел, Минзәлә авыл хуҗалыгы технику­мында укы­ды, хәзер читтән то­рып югары белем ала, без аңа у ң ы ш л а р телибез.

Х ә л и л Нәбиуллин, Кадрәк авыл җирлеге башлы­гы:

– Ветеринария участогының барлык шарт­лар тудырылган, заманча җиһазлар урнаштырыл­ган яңа бинада эшләп китүе авыл халкына тагын да сыйфатлырак хезмәт күрсәтү мөмкинлеге би­рер дип уйлыйм. Вете­ринарларга эш киерен­ке. Безнең Кадрәк авыл җирлегендә генә дә 210 хуҗалык бар. Маллар ишәя, бигрәк тә ул фермер хуҗалыклары исәбенә арта бара. Моннан ике ел элек кенә дә җирлектә 165 сыер исәпләнә иде, хәзер аларның саны 215кә җитте.

Надежда Кузнецова, пенсионерка:

– Район үзәгеннән ерак­тагы авылны игътибар­сыз калдырмыйча яңа ФАП төзеп куюлары өчен районыбыз һәм республикабыз җитәкчелегенә Яңа Маҗын һәм Богода­ровка халкы исменнән зур рәхмәтебезне җитке- рәбез. Авылыбыз фель­дшеры Люция Аники­на, шәфкать туташы Вера Колбина өчен дә сөенәбез, чөнки бөтен уңайлыклар тудырылган пунктлы булдылар бит. Алар 400гә якын кешегә, шул исәптән мәктәпкәчә яшьтәге 10 балага хезмәт күрсәтә. Меди­цина хезмәткәрләренә җаваплы эшләрендә уңышлар, авылдашлары­бызга ныклы сәламәтлек телим.

Кәнҗия Габдрахмано­ва, тыл һәм хезмәт вете­раны:

– Безнең Дәвек авы­лында модульле ФАП­ны ачу тантанасы бул­ды. Яңа бина авылы­бызга ямь өстәде, анда эшләү өчен дә, пунктка килүчеләр өчен дә бөтен шартлар тудырылган, ха­лыкка беренче медици­на ярдәме күрсәтү өчен заманча җайланмалар белән җиһазланган. ФАП яны төзекләндерелгән, чәчәкләр утыртылган. Авылда 250 хуҗалык бар, күбесенчә өлкән яшьтәгеләр яши. Авыл фельдшеры Фәридә Мәүлина һәркайсыбызның сәламәтлеге белән кы­зыксынып, безне кайгыр­тып тора. Иртә белән кем кая бара дисәң, пунктка бара, кем киңәш сорап килә, кайсы уколга йөри. Яңа бинага барыбыз да сөендек, моның өчен республика һәм район җитәкчелегенә, авыл җирлегенә рәхмәтебез зур.

Флүрә МУСИНА