Өлкәннәр актив тормыш белән яши

Өлкәннәрнең физик сәламәтлеге, күңел халәтләре белән бәйле күпсанлы проблемаларны хәл итү максатыннан, өлкәннәр һәм инвалидлар интернат-йортында “Актив озын гомерлелек” дигән программа булдырылды һәм әйтергә кирәк, ул уңышлы гына эшләп килә.

Программаның максаты – өлкәннәрне һәм инвалид­ларны медицина нигезендә тернәкләндерү. Моңа меди­каментлар белән дәвалау да, медикаментларсыз, ягъни ЛФК, массаж, физиотерапия, психотерапия, фитотерапия һ.б лар ярдәмендә дәвалау да керә. Интернат-йортта тозлы бүлмә эшләп килә. Тозның микроэле­ментларын сулау нәтиҗәсендә бронхиаль астма, аллергия, бөтен төр сулыш органнары авыруларын һәм тире авырула­рын дәвалана. “Эрбетле мичкә” дигән мини-саунаны бездә яшәүчеләр бик яраталар. Әлеге сауна бик каты тирләтә, ә тир белән тән тукымасында туплан­ган токсиннар чыга. Организмда токсиннар күп тупланган очрак­та кеше тиз арый, башы авырта, төрле авыруларга тиз бирешә. Мини-саунага даими йөргән оч­ракта әлеге көйсезлекләрдән арынырга мөмкин.

Һәр өлкән кеше өчен аерым күнегүләр сайлыйбыз. Занятие алдыннан һәм аннан соң пуль­сны, артериаль кан басымын үлчибез.

Болардан тыш, күптөрле диагностик аппаратлар кул­ланабыз. Әйтик, “Медискрин” һәм “Кардиовизор” экспресс диагностикасы ярдәмендә ком­плекслы тикшеренү уздырыр­га мөмкин, ә “Свинг-машина”, “Грэвитрин” кушеткасы нерв авырулы кешеләргә килешә, ул – капиллярларны эшкә җигүче бердәнбер трена­жер булып тора. “АПЭК” (психик һәм эмоциональ халәтне коррекцияләү ап­параты) күзләр авыруын дәвалаганда киң кулла­ныла. Төс белән тәэсир иткәндә бөтен организмга дәвалау эффекты бирә. “Бэклайф” тренажерын кул­ланганда бил авыртуы бетә, организмның гомуми халәте яхшыра, кан тамырлары, нерв эшчәнлеге, ашкайнату системасы җайга салына.

“Актив озын гомерлелек” программасын тормышка ашыру максатыннан, без республикабызның со­циаль-психологик ярдәм күрсәтү үзәкләре, Мәскәү югары уку йортлары белән тыгыз элемтәдә торабыз.

Әлеге методикалар, илебездә җитештерелгән аппаратлар бездә яшәү- челәрнең психологик халәтен яхшырта, сәламәт- лекләрен ныгыта. Әйтик, соңгы елларда интернат- мәктәптә грипп һәм ОРВИ белән авыру очраклары теркәлмәде.

Розалина ИШИМБАЕВА,

өлкәннәр һәм инвалидлар ин­тернат-йорты өлкән шәфкать тукташы