Мөмкинлекләр чикләнмәгән

Республикада тормышка ашырылучы 30дан артык дәүләт программасы безнең районда быел да дәвам итә. Шуларның берсе – “Гражданнарны авария хәлендәге торак фондыннан күчерү”.

Гражданнарны авария хәлендәге торак фондыннан күчерү программасы нигезендә безнең районда 132 фатирдан 140 гаиләне күчерү планлашты­рыла. Дәүләт алардан үзләре яшәгән иске торакның бер ква­драт метрын 11 мең 22 сумнан сатып ала. Әлеге программа буенча гражданнарны тораклы итүнең берничә юлы кулланы­ла: күпфатирлы яки аерым яңа йортлар төзелеше, базардан фатирлар сатып алу. 9 гаилә үзләре яшәгән иске торак өчен тиешле субсидияне акчалата алып, торак шартларын базар­дан торак сатып алып яхшыр­тырга теләген белдергән.

Йортлар төзелешенең бер өлеше федераль һәм респу­блика бюджетыннан бүленгән акчага финанслана, бер өлешен программада катнашу чылар үзләре түли. Гражданнар иске торак өчен субсидияне со­циаль ипотека килешүе буенча беренчел взнос сыйфатында түләү итеп кертәләр. Ягъни алар авария хәлендәге тора­кларын калдырып, яңа фатирга күченәләр дә, торакның калган хакын еллык 7 процент белән берничә ел буена (15-20 елга кадәр) сузып түлиләр.

–Әлеге программа буен­ча узган ел районда моңарчы күрелмәгәнчә 35 йорт төзелеше башланды. Бу программаны фәкать ТР Президенты кар­шындагы Дәүләт торак фонды аша тормышка ашыру мөмкин булды. Әлеге фонд төзелешне инвестицияли һәм программа­да катнашучыларга 15-20 елга кредит бирә, – диде район баш­карма комитеты җитәкчесенең инфраструктураны үстерү һәм инвестицияләр буенча урынба­сары Вәсил Гыйләҗетдинов.

Район буенча авария хәлендә дип танылган йортлар исемлегендә шәһәрдән генә түгел, авыллардагы йортлар да кертелгән. Әлеге программа бу­енча йортлар төзелешендә рай­оныбыздагы 7 подряд оешмасы эшли.

Узган ел ахырында 14 гаилә яңа фатирларга күченгән иде, шушы көннәрдә тагын берничә гаилә яңа (аз катлы) йортларда яши башлады. Быел програм­мада катнашучыларга сайлап алу өчен тагын дүрт күпкатлы һәм дүрт аерым йорт өстәлә, бу 81 фатир дигән сүз.

Бу мөһим

Күп фатирлы йортта яшәүчеләрнең “Граждан­нарны авария хәлендәге торак фондыннан күчерү” программасында катнашуның өстенлекле шартларының берсе – фатирларын шәхси милек буларак теркәүләре.ф

безнең өстәмә

2015 елда гражданнарны авария хәлендәге торактан күчерү программасы буенча төзелүче йортлар:

Изыскательләр урамы, 1/14 (27 фатирлы); 3/11Б (27 фатирлы); 3/1А (18 фатирлы);

Мирный тыкрыгы, 5 (4 фатирлы);

Изыскательләр урамында 12шәр фатирлы өч йорт: 4/8А, 4/8Б, 4/8В;

Гурьянов урамы, 46А (6 фатирлы);

Ленин урамы, 106 (2 фатирлы);

Красноармейская урамы, 12 (2 фатирлы);

Тукай урамы,59А (18 фатирлы); 61А (18 фатирлы);

Аерым йортлар:

Сугышчы Интернационалистлар урамы,3;5;13;19А; 19Б;19В; Ян­тарная урамы,1;3;5;6 ; Головин урамы,150;152 ;154 ;199; Карлы­гач урамы,1;2;3;4;5;6; Уютная урамы, 1;2;3;4;5;6.

Яңа Маҗын авылында ике йорт (икешәр фатирлы тапшырылды);

Юртау бистәсендә Лесная урамы, 6А (10 фатирлы тапшырылды).