Дүртесе – безнеке
Конкурсантлар Минзәләдәге үз эшчәнлекләрен тагын да актив рәвештә дәвам итәр өчен әлеге чарадан күтәренке кәеф һәм искиткеч уңай хис- тойгылар, яңа идеяләр алып кайттылар.
Алабугада «Ел хатын- кызы. Ел ир-аты: хатын- кыз күзлегеннән” рес- публика конкурсының зона этабы узды. Әлеге чарага Әгерҗе, Актаныш, Минзәлә, Мөслим, Балык Бистәсе, Алабуга, Мамадыш, Менделеевск, Тукай районнарыннан конкурсантлар җыйналган иде.
Быел конкурстан иң көчлеләрен сайлап алу жюри өчен авыррак булды, чөнки катнашучылар бар яктан да нык- лап әзерләнгәннәр иде.
Безнең район конкурсантлары да сынатмадылар. “Хатын-кыз – Ана” номинациясендә – Илсөя Хәбибуллина җиңү яуласа, “Хатын-кыз – галимә” номинациясенә Рима Галимәрданова лаек булды.
Жюри “Игелекле йөрәкле ир-ат” номинациясен Фаил Сабировка бирде, ә “Ир-ат – лидер” булып Хәмзә Гыйләҗетдинов калды.
“Өченче буын героинясы” номинациясендә чыгыш ясаган Сәлимә Габдрахманова чыгышы бик тә үзенчәлекле һәм күңелле булды. Сәхнәдә аның белән бергә тату гаилә әгъзалары да чыгыш ясады.