Яңа укытучыга заказ бар

Татарстан Республикасы мәгариф һәм фән министры тәкъдиме белән педагогия көллиятендә Татарстанның киләчәк элитасын укыту, тәрбияләү һәм үстерү максатында җиденче һәм сигезенче сыйныфлар тупланды. Бүгенге көндә бу сыйныфларда ТР районнарыннан килгән барлыгы 30 бала укый. Читтән килүчеләр көллиятнең тулай торагында яшиләр.

Мәгариф системасын модернизацияләү фикер алыш­канда иң төп темаларның берсе булып тора, – диелде әңгәмә вакытында. Түгәрәк өстәл ар­тында педагогия көллияте ди­ректоры Миңнегөл Мифтахова “Иҗади педагогия сыйныфла­ры” республика проектының тормышка ашырылуы һәм нәтиҗәләре турында сөйләде.

– Педагогия көллияте ба­засында ресурс үзәге ачыл­ды. Максаты – яңа дәрҗәдәге һөнәри һәм шәхси сыйфат­ларга ия булган белгечләр формалаштыру. 1 июльдән “Милли мәгариф культурасын торгызу һәм үстерү” юнәлеше үз эшен башлап җибәргән иде. Бу юнәлеш буенча республикабызның 17 райо­ныннан рус телле тәрбиячеләр белемнәрен күтәрде.

Педагогия көллияте базасын­да ТРның белем бирүче оешма­лары өчен педагогик кадрлар әзерләү мәсьәләләре буенча киңәшмә үтте. ТР мәгариф һәм фән министры урынбасары Ан­дрей Поминов җитәкчелегендә килгән кунаклар танышу экскурсиясендә, Муса Җәлил музеенда булдылар, “Балалар академиясе” иртә үсеш үзәге эше кысаларында 3-4 яшьлек балалар катнашында инглиз телендә “Шалкан” әкиятенең театраль постановкасын кара­дылар.

ТР мәгариф һәм фән ми­нистры урынбасары Андрей Поминов балаларны тупла­ганда укучыларның белем дәрәҗәсенә игътибар итәргә чакырды:

– Дәүләт тарафыннан яңа укытучыга заказ бар. Бүгенге шартларда гомумән, барлык төр кадрлар әзерләү буенча, аерым алганда педагогик кадр- лар әзерләү буенча револю­ция ясала. Шуның өчен дә без шушы ярылган юлдан тайпыл­маска тиеш.

Илсөяр ХӘЕРТДИНОВА