Яраткан уеннары

Гордов исемендәге кадет интернат-мәктәбендә традицион рәвештә “Аҗаган” уеннары уза. Бу елны дә әлеге мәктәптә 5-7 нче сыйныф укучылары өчен хәрби уеннар уздырылды.

Командаларга уенның алты этабында үз көчләрен сынап карар­га кирәк иде. Бу – яралыны күтәреп алып бару, беренче медицина ярдәме күрсәтү, кырны миналардан чистарту, чаналарда узышу һәм башка шундый ярышлар. Һәр дөрес башкарылган этап өчен командаларга баллар өстәлеп барды. Җанатып тору өстенә укы­тучылар да балаларга төрлечә ярдәм итәргә тырыштылар.

Командалар арасыннан иң яхшыларын аерып алу хөкемдарлар өчен бик авыр булды бу көнне, чөнки һәр команда җитез, өлгер һәм бик яхшы әзерлекле иде.