«Балда, майда йөзәчәкбез»

Алар районда беренчеләрдән булып үзара салым буенча эш башлаганнар. Халыкның үзара салым акчасы һәм шуңа өстәп республика хөкүмәте тарафын­нан аны 4 тапкырга арттыру күп кенә мәсьәләләрне хәл итәргә ярдәм итәчәк. Документлар тап­шырылган, хәзер хөкүмәттән 1 млн сум күләмендә субсидия көтәләр.

– Кризислар булып тора, әмма аннан чыгу юлларын эзләргә кирәк, – дип башлады үз чы­гышын “Заиковский” хуҗалыгы җитәкчесе Радик Фәттахов. – Хуҗалыктагы барлык керемнең 87 проценты – терлекчелектән кергән.

Болардан тыш 260 баш үгез симертүгә куелган, шул рәвешле өч кеше эшле булган. Бу төбәктә дә киләчәктә сугым цехы яисә мәйданчыгы төзергә уйлыйлар.

Район башлыгы Айдар Сала­хов Әтрәкле җирлегендә болын җирләренең булмавы сәбәпле, башка болынлыклардан печән чабуны оештырырга тәкъдим ясады, ярдәм итәчәкбез диде.

Су белән тәэмин итү һәм урамнарны яктырту да даими контрольдә. Авылда мәктәп төзү зарури. Көнкүреш кал­дыкларын полигонга чыгару, тулган үләт базлары урынына махсус контейнерлар белән җиһазланган урыннар булдыру, терлек санын ике тапкыр арт­тыру, эш урыннары булдыру, яшьләрне авылга җәлеп итү – бу елга җирлек алдына куелган бурычлар әнә шундый.

Халык җыенда актив бул­ды. Калтак балалар бакча­сы мөдире Раиса Асманова элеккеге клуб бинасын яра­клаштырып төзелгән балалар бакчасының түбәсеннән су үтүенә борчылуын белдерде.

– Озак көтәргә кирәкми. Про­ект әзерләп, Калтак авылы балалар бакчасының түбәсен алыштырырга кирәк, – дип кисәтте район башлыгы район башкарма комитетының капи­таль төзелеш бүлеге началь­нигы Андрей Федо­ровка мөрәҗәгать итеп.

Җирлек буенча үткән елда авылны төзекләндерү, урам утларын җиһазлау буенча күп кенә эшләр башкарыл­ган. Әлбәттә, кече авылларда пробле­малар җитәрлек, авыл халкын бигрәк авыл эчендәге юл­лар борчый. Район башлыгы урыннан сорау бирүчегә җавап итеп, Калтак-Филимоновка- Чупай-Мөшеге юлларына акрынлап ЩПС (вак ташлы комлы катнашма) җәеләчәгенә ышандырды.

Бүгенгебез тотрыклы, иртә- гәбез ышанычлы булсын өчен киләчәк язмышыбызны үзебез хәл итәргә тиешбез бит. Авыл халкы җыенда яңгыраган бу фикер белән берсүзсез ки­леште.

акцент

Уртача хезмәт хакы – 22540 сум. Ит бәясе күтәрелү сәбәпле, мал эзләп, хәтта Казахстаннан киләләр. Никадәр игътибар биреп, яшь бала урыны­на тәрбияләгән малкайларны читкә җибәрәсе килми. Авыл халкына ике елда түләп бетерү шарты белән буаз таналар, дүрт айда түләү шарты белән бозаулар бирү практикасын быел да дәвам итәргә уйлыйбыз. Әлеге программа февраль- март айларында гамәлгә керәчәк.