Уңган шофер ил гизә

Татарстан шәһәрләре һәм районнарына эш сәфәре булсынмы, Рос-сиянең иң ерак төбәк-ләренә йомыш төшсенме-беренче булып Мөнзил әфәнде иярләгән ”Ка­мАЗ” машинасы прицепы белән рейска чыгары­ла. Ваминның «Чулман» агрофирмасы оешкач, аңа җитәкчелек өр-яңа “КамАЗ” автомашинасын ышанып тапшырган.

Мөнзил армиядән кай­ту белән, Муса Җәлил исемендәге колхозда өч ел МТЗ-80 тракторында эшли. 1984 елда Чаллы шәһәренең “Весенний” со­вхозына урнашып, сигез ел КамАЗ автомашинасын иярли, шуннан соң ул ту­ган авылына эшкә кайта. Хәзер менә 23 ел шушы җирлектә куәтле КамАЗ автомашинасын йөртә. Ул Алтай краен иңләп буйлап йөргән шофер, Казахстан якларында, Мәскәү һәм

 гизә

Тольятти шәһәрләрендә еш булган. Гомумән, Мөнзил булмаган җир юк, кайда гына йөрмәсен, бер тапкыр да авария ясаганы булмаган аның.

Узган елгы урып-җыю кампаниясендә Мөнзил 15 мең центнер ашлык та­шыган. Моның өстенә ул урак чорында Чистай, Ма­мадыш элеваторларына ашлык ташый һәм аннан кайтканда да буш кайт­мый, терлекләргә катнаш азык алып кайта.

Уңган шофер гаиләдә дә үрнәк әти, тормыш иптәше Вәсиләгә ыша­нычлы ир, аның белән ике ул тәрбияләп үстерделәр. Уллары Азат һәм Илназ да әтисе һөнәрен сайлады­лар, үзләренең шәхси Ка­мАЗлары бар, әтиләре ке­бек ерак юлларга йөриләр.

– Эшләсәң, эш бетми бит ул. Җырда җырланганча, гомер юлларда үтә, – ди хезмәтеннән зур канәгатьлек алып эшләү-че Мөнзил Гыйльметди­нов.

 җитәкче сүзе

”Мөнзил шушы елларда үзен бары тик уңай яктан гына күрсәтте. Берничә тапкыр ел нәтиҗәләре буенча районның иң яхшы шоферы булып танылды. Аның техникасы һәрвакыт сафта һәм төзек”.

Дилфас ГАЛИЕВ