Җирнең гүзәллеге син, Әнкәй!

Гөлия Бәдриева җитәкчелегендәге район мәдәният йорты коллективы Әниләр көненә багышланган “Җирнең гүзәллеге син, Әнкәй” дигән тематик кичә- концерт тормыш бүләк иткән иң кадерле кешеләренә карата рәхмәт хисләрен тоючы байтак райондашларыбызны җыйды.

Быелгы чара узган елдагы­ларыннан үзенчәлекле булуы белән күзгә ташланып тора.. Алып баручылар Эльмира Гәрәева һәм Наталья Железко­ва әниләрне ике телдә котла­дылар һәм сәхнәгә талантлы балалар үстергән һәм үзләрен мәдәният өлкәсенә багышла­ган әниләрне чакырдылар.

Талантлы балаларның әниләре: Любовь Афанасьевна Котлова (улы – җырчы Алексей Котлов), Ләйсән Хәнәф кызы Майорова (кызы Халыкара һәм Бөтенроссия күләмендәге конкурслар лауреаты Рокса­на Майорова), Галина Алек­сандровна Кузнецова (уллары Федор (җырчы), Сергей Куз­нецов, Николаевка клубы кар­шында эшләүче “Рябинушка фольклор ансамбле аккомпа­ниаторы, тарих укытучысы), Ксения Игоревна Лебедева (кызы республика конкурс­лары лауреаты, “Созвездие- Йолдызлык”-2014 финалисты Софья Лебедева) үзләренең адресларына бик җылы кот­лау сүзләре ишеттеләр, ба­лалары аларга концерт но­мерлары күрсәттеләр, чәчәк бәйләмнәре бүләк иттеләр. Мәдәният елына багышланган чараның икенче өлешендә рай­он мәдәниятен үстерүдә зур өлеш керткән әниләрне котла­дылар. Болар Рәзилә Мулли­на – ТР халык артисты (Сабир Өметбаев исемендәге Минзәлә татар дәүләт драма театры), Әлфидә Теряева – ТРның ат­ казанган артисткасы, Тәскирә Гыйләҗева – балалар сәнгать мәктәбендә скрипка буенча укытучы (районда бердәнбер скрипкачы), Лариса Әхмәтшина (Яңа Мәлкән авылы каршын­да эшләп килүче “Мәлкәнәй” татар-керәшен фольклор ансамбленең җитәкчесе, Яңа Мәлкән мәктәбе директоры), Роза Биктаһирова – “Уен” бию ансамбленең җитәкчесе, Нәзилә Нуруллина – район мәдәният йортының сәнгать җитәкчесе ( бу чараның сцена­рий авторы), Надежда Оврамец – “Рябинушка” фольклор ан­самбле җитәкчесе, Николаевка клубы директоры.

Күпсанлы тамашачылар ал­дында өченче номинациядә та­лантлы тандемнар – ТРның ат­казанган мәдәният хезмәткәре, Тауасты Байлар авылында эшләп килүче “Нур” халык те­атр коллективы җитәкчесе Мөслимә Гайниева һәм аның улы Илнур – “Сәйдәш” ансам­бле солисты, шагыйрә Сәхия Федотова һәм аның кызы – Яр Чаллы шәһәренең “Землянич­ка” балалар зстрада ансамбле җитәкчесе Лилия Тарханова­лар чыгыш ясады. Чыгышлар тантана геройларының бай биографиясеннән алынган фо­толар белән үрелеп барды.

Т а м а ш а ч ы л а р н ы ң күңелләренә 2 нче номер­лы балалар бакчасында тәрбияләнүчеләр (бию) Рифат Хафизов, Алексей Котлов, Ли­лия Тарханова башкаруында­гы җырлар, Николаевка авы­лыннан “Рябинушка” ансам­бле белән Сергей Кузнецов, “Мәлкәнәй” керәшен ансамбле чыгышлары һәм үзләренең әниләренә котлау сүзләре ае­руча хуш килде.

Чара киң машстаблы булды, анда башка оешмаларның кат­нашуы – моның ачык дәлиле.. “Минзәлә” ММҮ каршында эшләп килүче “Сибелә чәчәк” әдәби-иҗат берләшмәсе әниләр көненә багышланган шигырь, проза әсәрләренә конкурс игъ­лан иткән иде һәм монда абсо­лют җиңүчеләрне котладылар. Конкурста барлыгы шәһәрдән һәм районнан 25 кеше катнаш­ты. Шәһәрдә яшәүчеләр һәм Кадрәк, Исәнгол, аеруча Яңа Мәлкән һәм Тауасты Байлар авылларында укучылар актив катнашты.

Рәшит Гәрәй исемендәге премия лауреатлары Нәкирә Лутфрахманова, Наҗия Пуч­кова һәм Сәхия Федотова җитәкчелегендәге жюри алдын­да авыр мәсьәлә килеп басты. Барлыгы 32 иҗат эше җибәрелгән иде. Конкурсның җиңүчесе әнисенә татарча иң яхшы бәйрәм мөрәҗәгате иҗат иткән эшмәкәр Сәвия Ишмуратова булды (мөмкинлектән файдаланып әниләргә котлау сүзен укы­ды), ул диплом һәм приз алды, Рус телле катнашучылар арасында пенсионер, штаттан тыш хәбәрчебез Мария Шәрифуллина шулай ук диплом һәм приз алды. Халы­кара әниләр көне уңаеннан җиңүчеләргә бүләкләрне мөхәррият хезмәткәрләре – баш мөхәррир урынбасары Флүрә Мусина һәм әдәби-иҗат берләшмәсе җитәкчесе Наҗия Пучкова тапшырды. Җиңүчеләргә шулай ук тере чәчәкләр – розалар тапшырылды. Балалар иҗат йор­тында оештырылган рәсем һәм иншалар конкурсында (алар барлыгы 130 иде) катнашучыларны балалар иҗат йорты директоры Ольга Ильина котлады (болар 1, 2, 3 нче мәктәп, шәһәрнең 4, 5, 6, 7, 8 нче санлы һәм Тат. Мөшеге балалар бакчалары, гимназия укучысы Гүзәл Заһриева). Аларга район мәгариф бүлегенең мактау кәгазьләре һәм бүләкләр тапшырдылар. Иганәчеләр Михаил Иванов, Хәмзә Гыйләҗетдинов, Ирина Михай­лова булды.

Сәвия Ишмуратова, эшмәкәр, конкурс җиңүчесе:

– Бу концертка чакыруларына мин бик шат. Әниләр бөтенебез өчен дә якын кешеләр. Алар үзләренең бала­рына таяныч булып торалар. Әле шушы көннәрдә генә Казаннан иптәш малае белән улым кайтты. Мин өстәл әзерләдем. Шунда улым “Минзәлә” газетасын сорап куй­ды. Мин аңа “Эмиль, син Минзәләне генә сагынмагансың, хәтта газетаны да сагынгансың дип җавап бирдем. Шәхсән үзем “Минзәлә” газетасын укырга яратам. Үземнең туган якларга кайтканда, газетаны үзем белән алам. Бу конкурс турында газета аша белдем, үземне сынап карыйсым килде. Сезне дә газета үткәргән төрле конкурсларда катнашырга чакырам. Картлыкта балалар, оныклар алдында мактанырлык әйбер булыр.

безнең белешмә

Аерым номинация буенча укучыларның шигырьләре узды, жюри аларны актив катнашкан өчен бүләкләргә булды, чөнки алар бит була­чак газета укучылар.

Балалар арасында 1 нче урын – Нәзилә Ибраһимова, гимназиянең 5 нче сыйныф укучысы (“Әни өйдә бул­са” шигыре), 2 нче урын – Сөмбел Нуриева, Яңа Мәлкән мәктәбенең 2 нче сыйныф укучысы (“Ми­нем яраткан әнием”) һәм Айзирә Әхмәтова, Әтрәкле башлангыч мәктәбенең, 4 нче сыйныф укучысы (“Ми­нем Әнием”), 3 нче урын – Алинә Гәрәева, Тауасты Байлар мәктәбенең 2 нче сыйныф укучысы, Адель Шалянин, Яңа Мәлкән мәктәбенең 3 нче сыйныф укучысы, Алиса Сахаева, Яңа Мәлкән мәктәбенең 2 нче сыйныф укучысы. Бу призерларга мәктәп ли­нейкаларында Татмедиа” ААҖ ММҮнең дипломнары тапшырылачак. Бу диплом­нар укучыларның портфо­лиоларын тулыландырып торачак. Конкурста актив катнашкан һәм шигырьнең оригинальлеге белән аеры­лып торган педкөллиятнең 5 нче курс студенты Гөлшат Гыйләҗетдинова диплом белән бүләкләнә. Күп кенә шигырьләр күңелгә үтеп ке­рерлек иде, без аларны мен­зеля.ру сайтында урнашты­рачакбыз. Безнең “Минзәлә” газетасы елдан-ел яңа та­лантлар эзли, алар белән эшли, аларга яңа үрләр яу­лауда булыша. Дуслыгы­бызны саклыйк!

сүз уңаенда

Фойеда тере чәчәкләр сатылды, ул әниләргә, якыннарга чәчәк бүләк итәр өчен мөмкинлек бирде. Мондый яңалык мәдәният йорты хезмәткәрләре инициативасы б елән кертелде.

Наҗия ПУЧКОВА