Ата-аналар түләү артуга әзер

Татарстанда 2015 елның 1 гыйнварыннан балалар бакчаларына түләү 12% ка арта. Бу уңайдан минзәләлеләр нинди фикердә?

Сораштырды Илсөяр ХӘЕРТДИНОВА

Ирина Петрова, 7 нче санлы балалар бакчасы мөдире:

– Ноябрь ахырында без ата- аналар җыелышы үткәрдек, анда 1 гыйнвардан түләүләр артасын әйттек. Ата-ана­лар бу яңалыкны тыныч ка­бул итте. Нигәдер алар дәшмәделәр, канәгатьсезлек белдермәделәр. Алар инде бу турыда ишеткән булганнардыр һәм моңа әзердер.

Алсу Блинова, 8 нче бала­лар бакчасы:

– Балаларны бакчага йөртми чара юк. 8 нче санлы балалар бакчасына ике баламны йөртәм. Түләү балалар бакчасына гына түгел, башка хезмәтләргә дә арта. Эшләрбез һәм вакытында түләргә тырышырбыз.

Илнар Хамматов, 2 нче сан­лы балалар бакчасы:

– Әлбәттә инде, бәяләр ар­туга риза түгел. Әлегә балалар бакчасына бер генә балам йөри, киләсе елга икенчесе бара. Ике бала өчен түләргә авыр була­чак. Без мондый яңалыкка кар­шы.

Наталья Титова, 8 нче сан­лы балалар бакчасы:

– Безнең шәһәр өчен бала­лар бакчасына түләү арту – бик начар, чөнки бездә хезмәт хаклары зур түгел. Түләү арту безгә кыйммәткә төшәчәк, алга таба без балалар бакчасы хезмәтеннән файдалана алма­ячакбыз.

Альбина Новикова:

– Без түләү артуга каршы. Минзәләдә хезмәт хаклары аз. Артудан соң ничек түләргә? Безнең ике балабыз бакчага йөри. Мин үземнең хезмәт ха­кымны ике бала өчен бер айга гына түли алам. Әле бит фатир өчен түләргә кирәк, азык-төлек, сезонга карап кием-салым са­тып алырга да кирәк. Минем уйлавымча, түләү арту безнең кесәгә генә түгел, башка ата- аналарның кесәләренә дә су­гачак.

белешмә өчен

Бүгенге көндә бала­лар бакчасына ата-ана түләве уртача – авылда, өч яшькә кадәр – 2138 сум, өч яшьтән соң – 2134 сум, шәһәрдә – өч яшькә кадәр – 2629 сум, өч яшьтән соң – 2504 сум тәшкил итә.

Ата-аналар керемгә карамыйча федераль компенсация алалар: бер балага – 20%, ике балага – 50%, өч балага – 70%. Болардан тыш, керемнәре 20 мең сум булган гаиләләргә ком­пенсация тиеш