Мәдәни чаралар – балалар өчен

Көзге каникул көннәрендә балаларның ялын күңелле итеп уздыру өчен район мәдәният йорты хезмәткәрләре кызыклы ысул кулландылар.

Авыл мәдәният йортларын һәм клубларын 5 кустка бүлделәр. Бо­лар – Дәвек (җитәкчесе – Ландыш Бәдертдинова), Наратлы-Кичү (Әлфия Шәйхлисламова), Аю (Роза Гыйльфанова), Коноваловка (Фәридә Арзамасова), Иркәнәш (Вәсилә Мөҗипова) авыллары мәдәният йортлары. Әлеге кустларда төрле чаралар оештырылды. Әйтик, Дәвек мәдәният йортында “Могҗизалар кыры”, Наратлы-Кичүдә “Җырлы-моңлы балачак”, Аюда “Эрудит-шоу”, Коноваловкада “Эрудит”, Иркәнәштә “Сөмбелә” дигән чаралар үткәрелде. Алар буенча мәдәният хезмәткәрләре тәҗрибә урта­клаштылар. Һәрбер чарадан соң Роза Фәхретдинова җитәкчелегендә түгәрәк өстәл артында фикер алышу булды.

Лениза ЯКИЕВА, район мәдәният йорты методисты