ГЕР КҮТӘРҮЧЕЛӘР БИШЕНЧЕ УРЫНДА

Ютазы районының Урыссу бистәсендә яшьләр арасында гер спорты буенча ТР чемпионаты үтте.

Анда республиканың 10 районыннан 100 спортчы катнашты. Безнең егетләр – 68 га кадәр үлчәүдә Фәрит Акмалов (педкөллият), пьедесталның өченче баскычына күтәрелде, 73 кг га кадәр үлчәүдә Данияр Шәрипов (1 нче мәктәп), икенче урынны алды. Аңа спорт мастер­лыгына кандидат булырга берничә очко җитмәде. 78 кг га кадәр үлчәүдә Равил Гәрәев (гимназия) 6 нчы урынны алды. Кызлар арасында Рузилә Мөхәммәтова (медицина училище/техникум) 5 нче урынны алды. Безнең кызларның мон­дый ярышларда беренче катнашулары. Команда зачетында спортчыларыбыз 5 нче урынны алды. Балалар тренер- укытучы Олег Петров кул астында шөгыльләнәләр.