КЕЧЕ ЯШЬТӘН ҮК

Әлеге чара Минзәлә, Актаныш, Менделеевск, Лениногорск, Сарман, Мөслим районнарыннан 70ләп педагогның игътибарын җәлеп итте.

Шәһәребезнең 3 нче урта мәктәбендә “Башлангыч го­мумбелем бирүнең федераль дәүләт төп стандартын тор­мышка ашыру шартларында башлангыч мәктәптә практик тикшерү эшчәнлеге” дигән ре­спублика семинар-практику­мы узды. Анда ТР белем бирү үсеше институтының башлан­гыч һәм мәктәпкәчә белем бирү кафедрасы мөдире, пе­дагогик фәннәр кандидаты Гөлназ Хәмитова да катнаш­ты. Семинарда катнашучылар проект-тикшерү эшчәнлеге ме­тодикасын тормышка ашыру барышында теоретик һәм мето­дик нигезләрнең актуальлеген тикшерделәр. Башлангыч сый­ныфларда әлеге методны тор­мышка ашыру максатында яшь үзенчәлекләре буенча струк­тураларга бүлделәр һәм Баш­лангыч гомумбелем бирүнең федераль дәүләт төп стандар­тын тормышка ашыру шарт­ларында һәр баланың үсешен тәэмин итү ничек башкарылга­ны буенча фикер алыштылар. Кечкенә мәктәп укучыларында әлеге эшчәнлекне системалы кулланган очракта тикшеренү күнекмәләре үсешенә ирешергә мөмкин булуын да күрделәр.