“Полицейский Степа абый”

Татарстанда беренче тапкыр шундый исем астында Бөтенроссия уенчыклар иҗади конкурсы узды.

Безнең район балалары да бу чарадан читтә кал­мады. Балалар үз куллары белән тәртип сагында то­ручы курчак иҗат иткәннәр. Конкурста 1, 2, 4 нче, 9 нчы балалар бакчаларында һәм “Тургай” приютында тәрбияләнүчеләр актив катнашты. 10 балалар эше керде, икесе Казанга җибәрелде. Эшләр арасында табигый материалдан тегелгән йомшак уенчыклар, пластилиннан, пластик бутылкалардан, гипстан, пе­нопласттан эшләнгән әйберләр бар иде. Эшләнмәләр полиция хезмәткәренең тышкы кыяфәтен чагылдыра. “Полицейский Степа абый” конкурсы нәтиҗәләре бу­енча Аделина Абдуллаева һәм Тимур Габдуллин (2нче балалар бакчасы), “Тургай” приюты балалары, Бала­лар иҗат йортының “Оста куллар” коллективы лауреат булдылар, Алар ТР ның Эчке эшләр бүлегенең диплом­нары белән бүләкләнде. Конкурста катнашучы калган коллективларга актив катнашканнары өчен Россия ЭЭМның бүлек начальнигы Илсур Хаҗиевтан Рәхмәт хатлары алды.