Формасы төрле булса да

 Терлекчелеккә багышланган семинарның чираттагысы “Сөт иле- Чулман” филиалының Балтай сөтчелек комплексында үтте.

Дилфас ГАЛИЕВ

Бозауларны өч айга чаклы тәрбияләү төркемнәрендә фермаларда де­жур торуны оештыруны авыл җирлекләре баш­лыкларына йөклибез. Алар үз чиратларында бюджет хезмәткәрләре белән берлектә эшләргә тиешләр.

Балтай комплексына Ирек Рахматуллин на­чальник булып килгәч шактый эшләр эшләнгән, ул бирегә Сарман райо­ныннан килгән.

Яңа туган бозаулар өчен бер торакны үзгәртеп корганнар. Торакта коры һава, идеал чисталык, бозауларның һәрберсе аерым читлекләрдә тоты­ла. Әлеге торак агартыл­ган, дезинфекцияләнгән, узган елга караганда җир белән күк арасы.

Аларга биредә солы, борчак, кукуруз, жмых, ак­бур катнашмасыннан тор­ган бөртек бирәләр. Олы­рак бозауларга ялар өчен тозны бауга бәйләп куй­ганнар, болай эшләгәндә тозның бер валчыгы да әрәм булмый, тоз салыр өчен савыт та кулланыл­мый. Бозауларга азык сала торган савытны үзләренчә эшләгәннәр һәм аны тиз генә чистар­тып та була, кирәк булма­ганда өскә күтәреп куярга була.

Стенада бозаулар­ны үлчәү акты эленеп куелган. Монда август азагыннан башлап һәр туган бозауның авыр­лыгы, айлык үсеше язы­лып барыла. Кайсыбер бозауларның көнлек үсеше 1000 грамнан да артып киткән. Бозаулар­ны һәм фермада булган бөтен терлекләрне үлчәү өчен бу хуҗалык Ижау шәһәреннән 67 мең сумга таблолы махсус үлчәгеч сатып алганнар.

Семинарда катнашучы­лар ташланган (сухостой) сыерлар өчен торакны карадылар, биредә алар өчен 100 дән артык урын- түшәк булдырылган, урта­га салам кертеп кенә эшне боза язганнар. Сарай сыерлар кереп яту өчен, ә утарда азык өстәле бу­лырга тиеш. Шулай ук бу фермада малларга җылы су эчәргә махсус улакка ике клапан беркетелгән, суны җылыту өчен ТЭН­нар куелган. Шулай да монда ясалган улаклар кечкенәрәк, берничә сыер су эчәргә килсә этеш- төртеш башланачак.

– “Куйбышев хуҗалыгының Балтай сөтчелек комплексында барлыгы 1061 баш мөгезле эре терлек асрала, шуның 580 башы савым сыерла­ры. Быел сыерлардан 474 баш бозау алынды. Узган ел шушы вакытта 346 баш бозау алынган иде. Өч айга чаклы бозаулары­ныкы 740 грамм булды. Бүгенге көндә һәр сыер­дан уртача 9,8 килограмм сөт савып алына, узган елда бу күрсәткеч 6,1 ки­лограмм иде. Элекке ел­ларда төп көтүгә 180 баш тана кертелсә, быел бу сан 230 дан артып китә,” – ди бүлекчә җитәкчесе Рамил Гәрәев.

 акцент

Район башлыгы Айдар Салахов семинарда катнашучыларга мөрәҗәгать итеп болай диде: «Бүгенге көндә һәр ферманың бозаулату бүлекләрендә, өч айга кадәрле бозаулар төркемнәрендә дежурлык торуны оештырып җибәрәбез».