КАДАСТР БӘЯСЕ БАЙЛАРНЫ ЧИШЕНДЕРӘ

Россия хөкүмәте бюджетны тулыландыруның тагын бер өлешен ниһаять тормышка ашырырга булды. Хосусый­лаштырылган фатирлар, үз акчаларына төзелгән коттед­жлар саны нык артты. Хәзер алар өчен салымны кадастр бәясеннән чыгып түлисе була. Кадастр бәясе – инвента­ризация бәясеннән шактый югары булачак. Иң мөһиме биш-алты фатир ияләре үз милекләрен пенсионерларга рәсмиләштереп котыла алма­ячаклар. Льгота фәкать бер объект өчен генә сакланачак. Дөрес, фатирлар, коттеджлар, хәтта гараж мәйданнарының бер өлешенә салым салынма­ячак. Ставкасы – 0,1 процент, әмма муниципалитетлар аны 0,3 кә хәтле күтәрә алалар. Бюджетларында акча бик аз булган авыл җирлекләренә, районнарга нык уйланасы була.