Ферма уңганы
Валентина Хәертдинова Мордовия республикасының Атюров районы Клопинка авылында крестьян гаиләсендә туып үсә, шунда сигезьеллык мәктәпне тәмамлаганнан соң Краснослободск авыл хуҗалыгы техникумында зоотехник белгечлеге алып чыга.
Аннары Чаллы шәһәрендәге КамАЗ заводында, почта да хезмәт куйганнан соң торырга урын булмаганлыктан районыбызның Тауасты Байлар авылына кайтып фермада эшли. 2009 елда фермада савым сыерлары беткәч Балтай сөтчелек комплексына сыерлар саварга килә. Менә шул вакыттан бирле ул бу фермада алдынгылыкны бирми.
Валентина Николаевна һәр көн таң белән фермага ашыгып, барлык технологик таләпләрне төгәл үтәп, сыерлардан мул савым алуга ирешә. Уңган савымчы быел тугыз айда үз төркемендәге 2977 центнердан артык сөт савып алып район савым чылары арасында алдынгылыкны бирми. Яхшы эшләгәне өчен аңа сентябрь аенда бер баш үгез бозауны да премия итеп биргән “Сөт иле-Чулман” филиалы. Ул хезмәт хакын да мул итеп ала, июнь аенда кулга гына 40 мең сумнан артык акча алган. Акчаны бераз тоткарлык белән бирсәләр дә, хезмәт хакын тулысынча картага күчерәләр, ди Валентина ханым. Фермада элекке елларда акча бирмәгәч, савымчылар да китеп беткән, аларның күпчелеге “Экватор” ягулык салу станциясендә хезмәт куялар. Ә Валентина фермада югары хезмәт хакы булгач киткән савымчылар да кире фермага эшкә кайтырлар, дигән уй белән үз җаена тырышып эшләп йөри.
Дилфас ГАЛИЕВ