Күңелләре кителмәсен

Өлкәннәрне хөрмәтләү бер көнгә генә сыешмыйча, соңгы елларда декада буларак билгеләп үтелә башлады.

Бик хуп, аларның һәркай- сына ихтирам күрсәтергә, җылы сүзләрне җиткерергә, төрле чаралар үткәреп куанды­рырга бик уңайлы чор бу. Һәр елдагыча, районда Өлкәннәр көненә һәм декадасына әзерлек һәм аны үткәрү турында быел да район башкарма комитеты җитәкчесе карары чыкты. Аның төп максаты – хезмәт коллек­тивлары тарафыннан өлкән кешеләр проблемаларына ка­рата игътибар һәм кайгыртучан­лыкны арттыру, аларга ярдәм күрсәтү һәм булышлык итү.

Билгеле, өлкәннәребезгә игътибар һәрдаим булырга тиеш. Әмма мәшәкатьләргә чу­ мып, кайчандыр янәшәбездә армый-талмый хезмәт куйган өлкәннәребезне кайчаклар­да күз уңыннан ычкындыра­быз. Ә шушы, елга бер тапкыр үткәрелә торган Халыкара өлкәннәр көнендә һәм ункөнлек барышында, өлкәннәребезнең исемлеген барлыйбыз: аларга котлау открыткалары язабыз, бүләкләр әзерлибез, бәйрәм табыннарына дәшәбез...

Әйе, район күләмендә күп төрле чаралар үткәрү план­лаштырылды һәм үткәрелде әлеге декада кысаларында. Аларның күбесе хакында район газетасы битләрендә дә язып чыктык, сайтка да урнаштыр­дык. Шуларның берничәсенә генә тукталып үтик. Рай­ондагы өлкәннәр өчен иң беренчеләрдән булып Минзәлә театры зур бүләк әзерләгән иде: 1 октябрьдә өлкәннәр белән шыгрым тулы залда “Тилме­реп дога көткәннәр” спектакле күрсәтелде, рус теленә синхрон тәрҗемә оештырылган иде. Ә спектакльдән соң өлкәннәрне театр автобусы шәһәрнең өч юнәлеше буенча өйләренә кайтарып куйды. Берьюлы күпме хөрмәтләү һәм игъти­бар! Район мәдәният йортында куелган концерттан да күңел- ләре булып, моңа өлешләрен кертүчеләргә рәхмәт укый- укый таралышты өлкәннәр. Өлкәннәр хөрмәтенә дип оеш­тырылган ярминкәдә дә авыл хуҗалыгы продукциясенең киң ассортиментын сату оешты­рылган иде. Шәһәрдәге бар­лык спорт, социаль, мәдәни учреждениеләрдә бушлайга нинди дә булса хезмәт күрсәтү, акцияләр оештырылды, аларда ял итеп, кәеф күтәренкелеге алды өлкәннәр.

Район күләмендә нинди ге- нә чаралар үткәрелмәсен, кайчандыр тырыш хезмәт куй­ган, шуннан лаеклы ялга киткән коллективларыннан нинди дә булса игътибар, хөрмәтләү билгесен ныграк көтеп ала өлкәннәр. Редакциябезгә кил- гән хатларда да ачык чагыла бу. Шәһәребезнең Гурьянов урамында яшәүче, элеккеге 4 нче юл-төзелеш идарәсендә (хәзерге “Татавтодор”ның Минзәлә филиалы) эшләп пенсиягә чыккан Илгиз Сафиул­лин хатына тукталыйк. “Безнең җитәкчебез – “Татавтодор”ның Минзәлә филиалы директоры Марат Самигуллин, өлкәннәр ункөнлегендә елның-елында үз пенсионерларын котларга һәм кыйммәтле бүләкләр әзерләргә онытмый. Аңа чын күңелдән рәхмәтебезне җиткерәбез. Аралашучан, тынгысыз җитәкчебезгә хөрмәтебез зур, эшне дә оештыра белә, җиткерелгән заданиеләрен дә үтәп баралар, шуңа күрә сүзе дә үтә, киләчәктә дә хезмәт уңышлары телибез”, дип язган ул. Күпләргә үзенең актив­лыгы белән таныш Хәниф Гәрәевтән дә шун­дый рухтагы хат алдык. “Өлкәннәр көненә багыш­лап шәһәребездә зурлап ярминкә үткәрелде, концерт һәм спектакльләр куелды, барысына да барырга ты­рыштык, оештыручылар­га рәхмәт яусын. Безнең Минзәлә урман хуҗалыгы дүрт районда эш алып бар­ганлыктан, пенсионерлар 200дән артып китә. Ләкин бер елны да бүләксез кал­дырмыйлар, быел да шулай булды. Һәркайсыбызның өенә кереп, матур теләкләр теләгән хезмәткәр кыз­ларга, урман хуҗалыгы җитәкчелегенә барлык ветераннар исеменнән рәхмәт белдерәсе, исәнлек- саулык телисе килә”, дип күңелендәге хисләрен җиткерә хезмәт ветераны.

Безнең “Минзәлә” мәгъ- лүмат-мөхәррият үзәге дә редакциядә эшләп лаеклы ялга чыккан өлкәннәргә де­када барган көннәрдә һәр ел саен бәйрәм пакетлары әзерли. Моннан тыш кай­чандыр аерым оешма бу­лып торган типографиянең өлкәннәрен дә үз канаты астына алды. Быел да шу­лай булды, бәйрәм белән котлап, аларга бүләкләр өләшенде. Мондый игъ­тибар һәм хөрмәтләүгә җавап итеп алардан рәхмәт сүзләре килеп иреште.

Ункөнлек кысаларын- да район сукырлар җәм- гыятендә дә “Возраст му­дрости – возраст созида­ния” дигән бәйрәм чарасы үткәрелгән. Өлкәннәрне биредә сукырлар җәмгыяте рәисе Мария Кальскова, Пенсия фонды вәкиле Неля Бикеева тәбрикләгән, үзәк китапханә китапханәчеләре Римма Әхмәтханова, Ма­рия Бочкарева бәйрәм программасын кызыклы конкурслар һәм викторина­лар белән оештырганнар. Әлеге чара чәй табыны ар­тында, җәмгыять әгъзалары әзерләгән концерт белән тәмамланды, дип язган­нар бу хакта китапханәдән, шуңа өстәп бәйрәм рухы сурәтләнгән фото да җибәргәннәр Талны яшьтән бөгәләр, диләр. Әлеге мәкальнең асылын “Тургай” приютын­да да истән чыгармыйлар. Приютта тәрбияләнүчеләр биредәге хезмәткәрләр белән берлектә озак ел­лар эшләгән пенсионер­ларны хөрмәтләгәннәр, әлеге чараны “Буыннар очрашуы” дип атаган­нар. “Алар хөрмәтенә кече һәм өлкән группада тәрбияләнүчеләр әдәби номерлар әзерләделәр, “Курочка-Ряба”ны сәхнә- ләштерделәр, үзләре яса­ган котлау открыткалары тапшырдылар. Ахырдан истәлеккә бергәләшеп фо­тога төштек, бәйрәм тәмле пироглар белән чәй табы­ны артында дәвам итте”, дип үзләренең тәэсирләрен язып җибәргәннәр приют­тан.

Беренче урта мәк-тәптән дә педагогик хезмәт ветераннары, укытучылар һәм кунаклар катнашында бәйрәм концерты үткәрелүе турында профкомнарын­нан безнең электрон по­чтага хәбәр килде. “Бу көнне башкарылган җыр- биюләрнең, шигырьләрнең иге-чиге булмады. Боларга тагын Наил Габдуллинның, Миңнегөл Мифтахованың, Сергей Топоровның их­лас күңелдән яңгыраган котлауларын тыңлау өстәлде. Укучыларның тәбрикләүләре, чәчәкләре ветераннарыбызның күңел кылларын тибрәндерде. Җылы, дустанә шартларда узды концерт”, дип язган юллар бар анда һәм шуңа өстәп фото да җибәргәннәр.

Әйе, үз хезмәт кол­лективлары булганнар­га хөрмәтләү билгеләре күрсәтелә ул. Ә менә оешмалары беткән- таралган оешмаларның өлкәннәре ни хәлдә соң? Редакция почтасына килгән түбәндәге хат та шушы хак­та. “Хөрмәтле редакция, Сезгә мөрәҗәгать итәргә авыл хуҗалыгы студент­ларыннан алынган котлау мәҗбүр итте”, – дип баш­лый сүзен хат авторы Га­лина Михайловна. Аннары ул райпо системасында күп еллар эшләсә дә, мондый тәбрикләү булмавына моң зарын белдерә. “Югыйсә, Марат Хәсәнович, Хәлимә Фәхразиевна, Мария Ни­колаевна, Минзадә Мансу­ровна һ.б. кебек күп еллар биредә эшләгән хөрмәтле кешеләр аз түгел. Бары­сы да пайчылар иде, ара­ларында кулланучылар җәмгыятенең күпме ат­казанган хезмәткәрләре, хезмәт ветеранна­ры бар. Ә хәзер шушы, пенсиядәге кешеләрне, берәү дә тәбрикләмәде, бик хәтеребез калды. Безне котлап киткән студентларга безне онытмаганнары өчен рәхмәтебезне белдерәбез, аларның укуларын уңышлы төгәлләп яхшы эш урынна­рына урнашуларын, шәхси тормышларын корула­рын теләп калабыз”, дигән юллар бар хатта (хатка студентларның котлаулары да теркәп куелган).

Шушындый ук “ятим”- нәр аз түгел район­да. Андый предприятиеләр рәтенә элеккеге аракы-ли­кер заводы да керә. Шу­лай булуга карамастан, якташыбыз, Татспиртпром директоры Гиоргий Купри­янов инициативасы белән элеккеге заводта эшләгән өлкәннәргә ел саен мул итеп бәйрәм пакетлары өләшеп чыгалар.

Аздан гына да күңел була, юктан гына да хәтер кала, диюләре белән ки­лешми мөмкин түгел. Әйе, бер җылы сүз дә җитә шул кәеф күтәреп җибәрергә. Бәйрәм пакет­лары өләшенмәсә дә, хат авторы Галина Михайловна кебек берничә юллык кот­лау сүзләре килеп ирешсә дә, канәгать булыр идек, диючеләр юк түгел. Калма­сын иде мондый төерләр, күңелләре кителмәсен иде өлкәннәребезнең. Хәер, хатаны төзәтергә әле соң түгел.

безнең өстәмә

Мәгълүматларга караганда, райондагы барлык пенсионерларның саны 9 меңнән артып китә, ә оешма-предприятиеләре бетерелеп, “ятим” халәтендә калган өлкәннәр 1600 кеше исәпләнә. “Ашаган белми, тураган белә”, диелә халык мәкалендә. Бер яктан караганда, элеккеге кебек оешма-предприятиеләргә таратып биргәндә, аларга бүләген дә әзерләргә булыр иде. Хат ав­торы әйтмешли, алар да бит районыбыз икъти­садын күтәрүгә тырыш хезмәтләре белән кай­чандыр өлеш керткәннәр. Икенче яктан караган­да, ункөнлек кысаларында районда өлкәннәр хөрмәтенә бихисап чаралар үткәрелде. Шушын­дый типтагы котлау открыткаларын тарату идея­се дә районда ункөнлек чаралар үткәрүне оешты­ру комитеты тарафыннан тәкъдим ителгән иде. Барысы да акчага барып тоташа шул.

Флүрә МУСИНА