Моны белү мөһим
Агымдагы елның 1 сентябреннән РФ Гражданлык Кодексының 4 нче – Юридик затлар бүлегенә үзгәрешләр кертелде. Шушы вакыттан башлап, юридик затлар бу бүлектә каралганча, бары тик оештыру-хокукый формада гына булдырылачак.
Моңа кадәр булдырылган юридик затлар үз исемнәрен һәм оештыру документларын яңа таләпләргә туры китереп тәртипкә китерергә тиеш булалар. Тәртипкә китерү факты оештыру документларына үзгәрешләр кертү турындагы карарда чагылырга тиеш.
РФ ГКның 4 нче бүлеге нигезендә документларны тәртипкә китерү максаты белән үзгәрешләрне теркәү өчен госпошлина таләп ителми. Кодекска яңа 50.1 нче маддә кертелгән. Уставта теркәлә торган оешманың урнашкан торак пунктын күрсәтү дә җитә.
Законда билгеләнгән минималь размердан түбән булмаган суммадагы устав капиталы (мисал өчен, ҖЧҖ өчен 10 мең сум) бары тик акчалата түләнергә тиеш. Устав капиталына милек формасында өлеш кертү акчалата капиталга өстәп кертелергә мөмкин. Ә акчалата булмаган өлешкә бәяне бәйсез оценщик билгеләргә тиеш.
ҖЧҖ да катнашучыларның гомуми җыелышы карарларын раслауның яңа тәртибе расланды: җыелышта катнашучыларның составы, анда кабул ителгән карарлар нотариаль таныклык юлы белән раслана яисә уставта билгеләнгәнчә беркетмәгә кул кую юлы белән яки гомуми җыелышта бертавышсыз кабул ителгән башка юл аша раслана.