Өлгереп калыгыз
Пенсия тупланмаларына өстәмә финанслау алу өчен, агымдагы елның 25 декабреннән соңармыйча хезмәт пенсиясенең тупланма өлешенә беренче взнос күчерергә кирәк.
Өстәмә финанслау өчен тиешле взносның максималь суммасы – елга 12000 сум. Дәүләт бу акчаларны икеләтә арттыра, гражданның шәхси счетына Пенсия фонды шулкадәр акча күчерә. Шуны онытмаска кирәк, 2000 сумнан да ким булмаган взнос дәүләт тарафыннан финансланмый. Ай саен түләп барган очракта, өстәмә финанслау акчаларын беренче взнос түләгәннән соң, 10 ел дәвамында алырга була.
Бу программада катнашучылар пенсия тупланмаларын беренче тапкыр картлык буенча хезмәт пенсиясен алырга хокукы булгач, кабаттан – тупланмалар сорап мөрәҗәгать иткәннән соң 5 ел узгач алырга мөмкин. Бу шарт 2015 нче елның 1 гыйнварыннан көченә керә. Димәк, бер тапкыр мөрәҗәгать итүчеләр (2012, 2013, 2014 елларда), 2014 нче елда өстәмә иминият взносларын түләгән булсалар, алдагы түләүне мөрәҗәгать иткәннән соң 5 ел узгач алырга хокуклы.
Акчаларны программа кысаларында бер тапкыр яисә ел дәвамында берничә тапкыр күчерергә була.