Бадминтон буенча ярыш
“Сәламәтлек” спартакиадасы кысаларында шәһәребездә бадминтон буенча республика ярышлары булып узды.
Һәр команда составына 3 хатын-кыз һәм 3 ир- егет кертелгән иде. Турнир ялгыз, парлы һәм катнаш категориядә узды.
Ярышларны ачу тантанасында Минзәлә районы башкарма комитеты җитәкчесе Илгизәр Шагалиев, “Уңыш” спорт-физкультура җәмгыяте рәисе Видади Мәхмүтов, ТР бадминтон федерациясе башкарма директоры Әскәр Гәрәев спортчыларга уңышлар теләделәр.
Ярышлар өч көн дәвамында барды. Нәтиҗәләр нигезендә бадминтон буенча спартакиада чемпионы титулын Саба районы командасы яулады. Минзәлә районы командасы 17 нче урында.
акцент
Әлеге ярышлар икенче тапкырын уздырыла. Узган ел Минзәләдә авыл уеннары уздырылган иде, ул вакытта бадминтон буенча 42 команда катнашты. Монда бадминтон уены өчен бөтен шартлар да тудырылган. “Уңыш” спорт-физкультура җәмгыяте мәгълүматлары буенча, бүгенге көндә әлеге спорт уены күп кеше катнаша торган уеннар арасында авыллар буенча өченче урында тора, Минзәләдә дә беренче адымнар ясала, – ди ТР бадминтон федерациясе башкарма директоры Әскәр Гәрәев.
Бадминтон ярышларында республикабызның 23 районнан барысы 140 спортчы катнашты.
Илсөяр ХӘЕРТДИНОВА