Кулга кул тотынып эшләргә

Район башкарма комитетының актлар залында район башлыгы Айдар Салахов күпкатлы йортларның җаваплы кешеләре белән очрашты. Анда шулай ук районның хезмәт күрсәтү оешмалары җитәкчеләре дә чакырылган иде.

Мондый очрашулар ха­лыкка файда китерергә тиеш. Сез безнең фикердәшләр, – диде җаваплы кешеләр адре­сына район башлыгы Айдар Фәслахович. Аннары ул район­да нинди эшләр башкарылуы һәм киләсе елгы планнар ту­рыда сөйләде. Аерым алганда, 24 программа буенча эшләр тәмамланганын билгеләп үтте, районда да бик зур эшләр эшләнгән: бу – юллар төзелү һәм ремонтлану, клублар, ФА­Плар, спорт мәйданчыклары, уку йортлары, балалар бакча­лары төзелү, су кертү һәм кана­лизация. Бу елда капремонттан соң 4 зур объект тапшырылды – авыл хуҗалыгы техникумы, педколледж, коррекция интер­нат мәктәбе, “Шатлык” балалар бакчасы. “Идарәче компания” МУП директоры Виталий Цвет­ков эшләнгән эшләр турында сөйләде:

– Апрельдән сентябрьгә чак- лы биш күпкатлы йортларда юынтык су торбалары алышты­рылды: Изыскательләр бистәсе, 4/7, 1/10, 4/4, Западная урамы 30, Чаллы тракты, 37 йортла­ры. Дүрт өйнең подъездларын­да капиталь ремонт үткәрелде, бу – Кадомцевлар урамы 57, Изыскательләр бистәсе 1/21, 1/32а, К. Либкнехт 72 йортлары. Ике өйдә тәрәзәләр пластикка алыштырылды. Биш өйдә подъ­езд ишекләре җылытылды, та­гын ун йортта җылытасы бар.

Мондый очрашуларны ха­лык түземсезлек белән көтеп ала, алар монда ачыктан-ачык торак һәм коммуналь оеш­ма җитәкчеләренә үзләренең гозерләрен җиткерәләр. Йортларның җаваплы кешелә реннән капиталь ремонтка, ишек алды территориясе, ба­лалар мәйданчыгы, төтен юл­лары, балконнар ремонтлауга кагылышлы бик күп сораулар булды. Тукай урамы, 62 нче йортта яшәүче өйне начар җылыттылар дип зарланды. Чернышевский урамы, 67 нче йорт буенча җаваплы кеше юеш, капремонт булмавына зарланды. Тукай урамы, 59 нчы йортта һәрвакыт канализация тыгылуын, җыештыручыны күрмәсәләр дә, территорияне җыештырган өчен акча алула­рын әйттеләр. “Идарәче ком­пания” МУП директорының урынбасары Артур Коротин әйтүенчә, бүген халыкның идарәче компания алдын­да 2,7 млн сум бурычы бар. Менә шуннан агымдагы һәм капиталь ремонтлар тоткар­лана. Ул йортларның җаваплы кешеләренә үзләренең йорт­ларында яшәүчеләргә бурыч­ларын капларга кирәк икәнен әйтергә кушты.

Район башкарма коми­теты җитәкчесенең инфра­структура һәм инвестиция үсеше буенча урынбасары Вәсил Гыйләҗетдинов йорт яны территорияләренең тәр- типкә китереләчәге турында мәгълүмат җиткерде: утыргыч­лар, урналар, кер элгечләр куе­лачак. Программага Чернышев­ский урамы, 69, Тукай урамы, 62, Изыскательләр бистәсенең 1/7, 1/12, 3/1, 3/11, 3/12, 3/15а йортлары кергән, йортларда яшәүчеләрнең төзекләндерүгә ярдәм итүләрен сорады.

“Чиста шәһәр” МУПның эшчәнлеге турында аның ди­ректоры Алексей Вышенский сөйләде: – Контейнерларда күбрәк бакчадан чыккан, төзелеш чүп- чарлары. Без бүген беркемне дә җавапка тартмыйбыз, шушы көннәрдә безнең оешманың экологы сөйләшүләр алып ба­рачак, башта кисәтәчәкләр, ә аннары штраф салыначак. Бүгенге көндә шәһәрдә чүп җыю өчен 138 мәйданчык һәм 60 кон­тенейнер бар. Тагын 5 бункерга заказ бирдек, – диде ул. – Әгәр дә техникагыз булса, төзелеш калдыкларын, агач ботакларын бушлай Тауасты Байлар авылы янында урнашкан полигонга илтегез, – дип шәхси секторда яшәүчеләргә мөрәҗәгать итте.

безнең өстәмә

Шәһәрдә тәртип булдыру өчен биш территориаль җәмәгать үзидарәсе оешкан. Аларның максаты – халык­ны берләштерү, инициативаларын тормышка ашыру. Иң күп эш паркларда һәм скверларда үткәреләчәк. Булган мәсьәләләрр әкренләп чишеләчәк. Бу турыда тәфсилләп шәһәр башлыгы урынбасары Елена Сысоева сөйләде.

сан

2015 елда “Күпфатирлы йортларда капиталь ре­монт программасы бу­енча 10 йорт ремонтла­начак, аларның җидесе – шәһәрдә: Тукай урамы 55, 57, 61, Изыскательләр бистәсе 1/20, 1/4 К.Маркс урамы, 70, Пионерская урамы 41нче йортла­ры, Хуҗәмәт авылында, Мирный урамы, 1, Юртау бистәсенең Солнечный урамы 4, 6 нчы йортлары.