Мәлкәнгә асфальт юл керде

Мәлкән авылы халкы рәхәткә чыкты хәзер: федераль трассадан авылга кадәрге юлга шушы көннәрдә асфальт салынып бетте.

– Әлеге юлның озынлы­гы 9,2 км, быел асфальт са­лынган ара – 6,5 км. Биредә 110 млн сумлык төзелеш эшләре башкарылды. Юл төзелешендә Илдар Шәйхетдинов, Илшат Идрисов, Тимур Рубцов, Сабир Мирзануров бригадалары эшләде. Моннан тыш республика програм­масы буенча Яңа Мәлкән авылында сафка баскан күпфункцияле үзәккә керү юлына асфальт салын­ды, полициянең участок уполномоченные йортына керү юлын да асфальтлап куйдык, – диде “Татавто­дор” ААҖнең Минзәлә фи­лиалы җитәкчесе Марат Сәмигуллин.

Зөлфия Равилова, авыл китапханәчесе:

– Күпме көткән хыялыбыз тормышка ашты. Читтә яшәгән балалары­быз да юл салмадылармы дип даими сорап торалар иде. Киләсе елда безнең урамыбызга да юл салына­чак дип ишеттек, бик әйбәт булыр иде.

Зөфәр Нәҗметдинов, Яңа Мәлкән авыл җирлеге башлыгы:

– Берәр җиргә барыр­га чыксак, кабат ничек кайтырбыз, яңгыр гына яумаса ярар иде дип бик

 борчыла идек. Хәзер мондый проблемабыз бетте. Ике ай эчендә нин­ди зур эшне башкарып чыктылар. Рәхмәт яу­сын юл төзүчеләргә дә, республика һәм район җитәкчелегенә дә.

Ләйсән Нуриева, бала­лар бакчасы мөдире:

– Яңа асфальттан олы юлга чыгып җиткәнне дә сизмибез. Хәзер инде авыл урамнары асфальт­лануын көтәрбез.

 безнең өстәмә

Яңа Мәлкән авылында юл төзүчеләр киләсе елда да эшләячәкләр, авылның үзәк урамнары асфальтланачак.