Зыялы гаилә
“Гаилә һәм мәктәп” журналы Бөтенроссия “Татар гаиләсе” фонды (җитәкчесе Роберт Миңнуллин) һәм ТР Министрлар Кабинеты каршындагы “ЗАГС” идарәсе (җитәкчесе Эльмира Зарипова) белән берлектә март аенда республикакүләм “Күркәм гаилә” бәйгесен игълан иткән иде. Конкурс җәмгыятебездә гаилә кыйммәтләрен ныгыту, халкыбызның буыннан-буынга сакланган матур гореф- гадәтләрен ачыклау максатыннан оештырылды. Бәйгедә матур тормыш итүче, мәктәп һәм балалар бакчасы яшендә балалары булган 100 гә якын гаилә катнашты. Нәтиҗәләр 30 августта ясалды, 12 гаилә җиңүче дип табылды.
Җиңүчеләр исемлегендә районыбызның Тауасты Байлар авылыннан Гөлнара һәм Камил Нәҗмиевлар гаиләсе, “Җылы оям – иркен тугаем” язмасы белән “Зыялы гаилә” номинациясендә җиңү яуладылар.