Туган җирдән еракларда

Минзәлә район хакимияте 2007 нче елдан бирле Кара диңгез флотының “Бора” РКВП экипажына шефлык итә. Бу эшне ул чагында район башлыгы вазифаларын башкарган Гиоргий Куприянов башлап җибәрә – үзе барып, шефлык килешүенә кул куеп кайта.

Шул елдан башлап 102 Минзәлә егете герой-шәһәр Севастопольдә хезмәт итте, узган елның көзендә һәм шушы елның язында чакырылган 11 егет һава мендәрендәге “Бора” ракета кораблендә бүген дә хезмәт итә.

Күптән түгел Минзәлә район хәрби комиссары Сергей Влади­миров Минзәлә егетләре янын­да булып кайтты, хәбәрчебезгә ул менә нәрсәләр сөйләде:

– Делегация составы зур түгел – аны үзем җитәкләдем, Севастопольгә узган елның көзендә чакырылган Рамил Шәймардановның әти-әнисе белән бардык (Моңа кадәр Хәбибуллиннар, Чернышова, Урошниковлар уллары янында булганнар. Авт.).

Бу юлы без Нахимов ор­денлы 41 нче Севастополь ракета катерлары бригадасы оешуының 95 еллыгына ба­гышланган тантанага бардык. Бик матур һәм кызыклы булды ул. Бу көнне Россиянең төрле почмакларыннан дистәләгән делегация кунакка килде. Без тантаналы җыелыштан соң, морякларны котладык, катерда булдык, үгет-нәсихәтләребезне җиткердек. Март аенда Кырым Республикасының Россиягә кушылып безнең дәүләт соста­вына керүе дә уңай күренеш, бу да матросларның кәефләренә яхшы тәэсир итә, алар нәкъ менә биредә хезмәт итүләре белән бик канәгать. Соңгы ва­кытта уңай якка үзгәрешләр күп. “Бора” капиталь ремонт узган, бар җир буялган, яңартылган, ялт итеп тора, егетләребез үз бурычларын намус белән үти.

Кара диңгез флоты коман­дованиесе муниципаль район башлыгы Айдар Салаховны, район башкарма комитеты җитәкчесе Илгизәр Шагалиев­ны, яшьләрне хәрби-патриотик рухта тәрбияләүгә зур өлеш керткән җитәкчеләрне һәм эшмәкәрләрне Рәхмәт хатла ры белән бүләкләгән. Анда мондый юллар бар: “Сезнең районнан чакырылган егетләр җаваплы, дисциплиналы, хезмәттәшләренә карашлары хөрмәтле, физик һәм башлан­гыч хәрби әзерлекле булулары белән аерылып тора”, “флот сезнең район белән озак ел­лар хезмәттәшлек итү бары­шында туган яхшы эшлекле мөнәсәбәтләрне югары бәяли”, “район киләчәктә дә җитди пар­тнер һәм флот ярдәмчесе бу­лыр” дип ышанып кала.

Флот штабында делегацияләр командование, ветераннар белән очрашты. Аның бары­шында ике яклы хезмәттәшлек буенча планнар, Татарстан Республикасы белән флот частьләре, корабльләре ара­сында шефлык мөнәсәбәтләре турында фикер алыштылар. Узган визитларда да делега­ция составында морякларның ата-аналары гына түгел, сөйгән ярлары да бар иде. Хәрби хезмәттәгеләр өчен моннан да зуррак бүләк булуы мөмкин дә түгел.

Монысы медальнең бер ягы. Ә икенче яктан караган­да (монысы да бик мөһим) шул рәвешле туган йортларыннан читтә булган диңгезчеләргә җәмәгатьчелек, ата-ана кон­троле дә булып тора. Хәрби хезмәтне җәмгыять өчен үтә күренмәле итәргә – илебез җитәкчелеге һәм Кораллы Көчләр куйган бу бурычны бүген Кара диңгез флотында үтиләр. Севастополь җиренә Татар­станнан делегация килгән көнне барлык ата-аналар да уллары белән очрашып, алар белән рәхәтләнеп аралашу бәхетенә иреште. Улларының хезмәт итү шартларын, ничек туклануын, нәрсә киюләрен, нинди шарт­ларда яшәүләрен, и п т ә ш л ә р е белән нинди мөнәсәбәтләрдә булулары – бары­сын да үз күзләре белән күреп, ты­нычланып калды­лар. Командир­лар, офицерлар, т ә р б и я ч е л ә р белән аралашып, улларының ничек хезмәт итүләре турында фикерләрен белделәр. Мон­дый турыдан-туры аралашуны бернинди язма, телефон аша сөйләшү дә алыштыра алмый, аларның әһәмияте әйтеп бе­тергесез.

сан

2007 елдан башлап 102 Минзәлә егете Кара диңгез флотында хезмәт итте, шуларның 11 е бүген дә хезмәттә. Татарстанның бары тик ике – Яңа Чишмә һәм Минзәлә районнары гына Кара диңгез флотына шефлык итә.