Проектлар, грантлар аша

“РИТЭК” ААҖ “Лукойл” Хәйриячелек фонды белән берлектә Татарстанда быел V конкурсын уздыра. Узган дүрт ел эчендә алар 90 млн сумлык 440 тан артык социаль әһәмияткә ия булган проектларны финансладылар.

Безнең районнан быел да кон­курска проектлар җибәрелде. Әлегә алар комиссия каравын­да, тиздән нәтиҗәләр билгеле булачак. Узган ел җиңүчеләре грант акчаларыннан ничек фай­даланганнар? Сезнең игъти­барга аларның икесен тәкъдим итәбез.

Тургайлылар һәрчак эзләнүдә

“РИТЭК” ААҖнең һәм “Лу­койл” Хәйриячелек фондының IV Социаль һәм мәдәни проектлар конкурсында “Шәфкатьлелек” номинациясендә җиңгән “Тур­гай” балалар һәм яшүсмерләр приюты грант акчаларына “Со­циаль дозор” проектын тор­мышка ашыру өчен байтак эшләр башкарды (приз фонды – 210 мең сум).

Проектны тормышка ашыру ба­рышында приютта тәрбияләнү- челәрдән, хезмәткәрләрдән һәм Иске Матвеевка авылы балала рыннан инициативалы төркем булдырылды. Балалар үзләрен кирәкле, файдалы итеп тойсын­нар өчен ирекле хәрәкәткә тар­тылды, аралашуга сусаган бала­лар өлкәннәргә ярдәмгә ашыкты. Мәдәният елы кысаларында ба­лалар үзләрен төрле чараларда – журналистикада, сценарийлар язуда, дизайнда сынады.

Балаларны халыкара яклау көненә багышлап уздырылган сабантуй өчен концерт костюм­нары грант акчаларына сатып алынды. Болардан тыш төрле темага багышланган акцияләр уздырылды, экскурсияләргә бардылар. Раштуа бәйрәмендә Яр Чаллыда Мәскәүнең Боз те­атры чыгышларын карадылар, Казанның мавыктыргыч техника музеенда булдылар.

Октябрь аенда “Йөрәкләргә җылы иңдерүче йорт” баш астында хезмәт терапиясе дәресләре циклы уздырылачак.

Иреклеләр эшчәнлеге бүгенге көндә яшьләр арасында бик по пуляр. Аларны оештырганда балигъ булмаган волонтерлар­га эшчәнлек өчен ирек бирелә.

“Веста” үзәге: “Табигатьне йөрәк белән тою”

Шушы исемдәге проект кы­саларында халыкка экологик мәгълүмат бирү өчен үзәккә 155 мең сумлык җиһазлар сатып алынган. Төрле социаль катлам халыкны табигый ресурслар­дан рациональ файдалану һәм локаль экологик проблемалар­ны хәл итүгә ярдәм итәрдәй мәгълүмати пропаганда һәм белем бирү-агарту системасын булдыру өчен үзәк мәйданда свето-диодлы табло урнашты­рылачак.

Әйтик, свето-диодлы экран­нан “Чиста шәһәр”нең презента- цияләре өзлексез күрсәтелеп тора, өмә уздырылу хакында белдерүләр, “Иң яхшы клумба” конкурсыннан видеоязмалар, социаль яктан тискәре булган күренешләр күрсәтелә. Экран­ны өлкәннәр генә түгел, бала­лар да карап, җәйге каникул­лар чорында табигатьтә булган үзгәрешләр хакында таныша ала. Табигатькә булган тискәре караш та халыкның экологик як­тан аз мәгълүматлы булуыннан килә бит.