Уракны төгәлләделәр

“Заиковский” ҖЧҖ хуҗалыгы игенчеләре быел да уракны районда иң беренчеләрдән булып тәмамлады. Алар барлыгы 1860 гектарда бөртекле кузаклы культураларны җыеп алдылар.

Хуҗалыкта көзге куль­тураларны чәчү башлан­ган һәм инде монда аны бер атна дигәндә чәчеп тә бетергәннәр. 400 гек­тарда арыш җир куены­на иңдерелгән. Хәзер көзге бодай чәчәргә то­тыначаклар. Терлек азы­гы хәзерләү дәвам итә. Люцернаның икенче кат чабымы 300 гектарда ча­былган һәм төргәкләргә төрелеп, ферма яннары­на кайтарыла. Печән һәм сенажны планлаштырыл­ганнан арттырып тупла­ган бу хуҗалык елның елында кышка ике еллык запас белән керә.

Хуҗалыкта басулар­да уртача уңыш 28,4 центнер тәшкил итте. Хуҗалык җитәкчесе Ра­дик Фаттахов әйтүенчә, бөртеклеләрнең берника- дәр югарырак булуына исәп тотканнар. Басулар­га бер гектарга 53 кило­грамм тәэсир итү көчендә минераль ашлама кергән. Әмма чәчкәннән соң 45 көн дәвамында яңгыр яу­мау моңа комачаулаган.

 Хәер, елның-елында басу­ларны җитәрлек күләмдә ашлап, барлык эшләрне дә тиешле агротехник срокларда башкарып, 1060 гектарда чәчелгән язгы культуралар да май- июнь айларындагы коры­лыкка артык бирешмәгән. Узган көз арышны элита орлык – “Чулпан-7”сорты чәчкәннәр, ул арыш басу­лары 35,4 центнер уңыш белән шатландырган. Хуҗалык механизаторла­ры уракны үз көчләре белән алып барды. Комбайнчылар – абыйлы-энеле Айрат һәм Илфат Шигабиевлар, Клим Сәлимов, Рамил Минһаҗев, Айрат М ирзаянов “ кыр к о­рабларын” урып-җыюга ны­клап әзерләгән һәм югары җитештерүчәнлеккә ирешкән. Бу комбайнчыларга район баш­лыгы Айдар Салахов яхшы эш күрсәткечләренә ирешкәннәре өчен 27 август көнне 3әр мең сум күләмендә махсус премия тапшырды. Әлеге премия фер­ма территориясендә тапшы­рылды, чөнки комбайнчылар урак бетүгә фермаларны кыш­ка әзерләү, аерым корпусларны ремонтлау эшенә җиң сызга­нып керешкәннәр. Хуҗалыкта эшләр комплекслы алып ба­рыла. Комбайннар артыннан ук салам җыеп алынып ферма яннарына кайтарыла. Салам җыелганнан соң ук, сабан так­кан тракторлар басуга килеп керәләр. К-701 тракторында Сергей Ермолаев, МТЗ-1221 тракторында Вячеслав Абы­шев киләсе ел уңышына нигез салалар, алар көнлек норма­ларын үтәмичә кырдан кайт­мыйлар. Хуҗалык быел барлык басуларның 50 процентын са­бан белән сөрәчәк.

 сан

Район күләмендә игеннәр- нең 67 проценты сукты­рып алынды. Ындыр та­бакларына 69 мең тоннага якын ашлык кайтарылды.

Дилфас ГАЛИЕВ