Булганнан бар да була

Хуҗалыкларда терлекчелек тармагының алга китүендә мал табиблары, зоотехниклары һәм ясалма орлыкландыру технологларының да өлеше бәяләп бетергесез. Альберт Хафизов малларга битараф түгел, аларны чын күңелдән ярата, вакытында прививка ясый, кирәк даруларны бирә, яшь малларга аеруча игътибарлы, эш нәтиҗәсе дә яхшы.

Альберт Хафизов күптән түгел Биектау районы Биектау авы­лындагы “Элита” ААҖдә узган терлекләрне ясалма орлыклан­дыру технологларының респу­блика конкурсында катнашып, Харьков технологиясе буенча өченче урынны алып кайтты. Әлеге конкурста җиңгәне өчен ТР авыл хуҗалыгы һәм азык- төлек министрының терлекче­лек буенча урынбасары Нәҗип Хаҗипов аны LG маркалы зур кер юу машинасы һәм Диплом белән бүләкләде. Республика конкурсында ясалма орлыклан­дыру технологлары Европа һәм Харьков технологиясе буенча сыерларны каплаттылар. Аль­берт “Сөт иле Чулман” филиалы Тәкермән хуҗалыгында хезмәт куя, ул ике технология белән дә эшли белә. Харьков технологи­ясе гади ысуллардан санала, сперма аналыкка үтеп керә. Ев­ропа технологиясе Харьковны­кына караганда камилләшкән технология. Хәзергесе вакыт­та да Альберт зоотехник булу белән бергә, ясалма орлыклан­дыру технологы вазыйфасын да алып бара. Узган ел ул каплат­кан биш сыердан быел 50 кило­лы бозау туган (менә бит ясалма орлыкландыруның файдасы!) Альберт каплаткан сыерлар­дан туган бозаулар 100 процент саклана. Хуҗалыкта таналар белән дә эш яхшы оештырыл­ган, быел биредә 100 дән артык тана төп көтүгә кертелгән.

безнең белешмә

Районыбызда ясалма орлыклан­дыру технологлары быел барлы­гы 3267 баш сыерны каплаткан­нар. Районда узган ел каплатыл­ган сыерлардан быел 2998 баш бозау алынган, шуларның 1454 башы – бикәч, калганы – үгез бо­заулар. Бу быелгы планның 53 проценты дигән сүз

Лилия ХӘСӘНОВА,

район авыл хуҗалыгы һәм азык-төлек идарәсенең терлек­челек буенча консультанты