СЕБЕР ТҮЛӘМӘСЕНӘ ИММУНИЗАЦИЯ ҮТКӘРЕЛДЕ
ТР ГБУ “Республиканың ветеринария лаборатория”се үткәргән тикшерүләр нәтиҗәсендә Кукмара районының Люга авылында яшәүче Киров өлкәсеннән сыер сатып алган һәм аны ветеринария бүлегендә теркәмәгән, тиешле вакциналар ясатмаган, ул 26 июль көнне әлеге сыерны авыру сәбәпле, суярга мәҗбүр булган. Ветеринария хезмәтенә хәбәр итмәгән. 2014 елның 5 августында ТР Министрлар Кабинетының Баш ветеринария идарәсе хәбәр иткәнчә, әлеге терлек итенең пробасында биологик, серологик, микроскопик түләмә чирен йоктыручы чирләр табылган. Мал чалуда катнашкан ир-ат түләмә йоктырган, госпитализацияләнгән.
Себер түләмәсе организмга кискен рәвештә үтеп керүче инфекцион авыру, әлеге авыруга аеруча авыл хуҗалыгының бөтен төр терлекләре, өйдә тотылучы җанварлар, кешеләр тиз бирешүчән. Бу авыруга каршы быелның 1 августына районыбызда барлыгы 18073 баш мөгезле эре терлек һәм 3816 баш сарыкка иммунизация ясалды, – дип хәбәр итте район ветеринария берләшмәсе җитәкчесе Светлана Панкова.