Татарстан халкы ай саен почта тартмалары аша 800 меңнән артык хат җибәрә.
Кичә, 2 август көнне, бөтен дөньяда традицион рәвештә почта тартмасы туган көне буларак билгеләп үтелде. Информацион технологияләр һәм интернет үсеше аркасында булса да, Татарстанның җирле халкы һәм оешмалары актив рәвештә кәгазь хатлар җибәрәләр һәм алалар. Һәр ай саен урамнарда һәм төбәк элемтә бүлекләрендә урнаштырылган язма корреспонденциясе өчен почта тартмаларыннан почта хезмәткәрләре 800 меңнән артык җибәрү чыгара.
Почта тартмаларыннан корреспонденцияне чыгару катгый рәвештә график буенча алып барыла, аннары барлык хатлар эшкәртү һәм адресатларга җибәрү өчен сортларга аеру участокларына җибәрелә.
Көн саен республика почта тартмаларыннан уртача 27 мең хат сортларга аеруга килә, аларның гомуми авырлыгы бер тоннадан артып китә. Һәр ай аен республиканың җирле халкы һәм оешмалары уртача 800 меңнән артык хат җибәрә, аларның гомуми авырлыгы 16 тоннадан артып китә.
Почта тартмалары тарихы биш гасырдан артык дип санала. Россиядә беренче урам тартмасы 1848 елда Санкт-Петербургта урнаштырылган. Хәзерге Татарстан территориясендә беренче почта тартмасы 1866 елда Казанда пәйда булган. Аңа шәһәрнең барлык яшәүчеләре хатларны ташлый алган.