Әлфия Когогина: Дәүләт Думасы Татарстан Республикасы тарафыннан инициативаны кабул итте, ул безнең илебезне якларга юнәлдерелгән.
РФ чикләреннән читтә административ хокук бозган затны административ җаваплылыкка тарту кагыйдәләрен ачыклау өлешендә, Дәүләт Думасы РФның административ хокук бозулар турындагы Кодексына үзгәрешләр кертте.
РФ Дәүләт Думасы депутаты, «Бердәм Россия» партиясенең «Эшмәкәрлек» федераль проекты координаторы Әлфия Когогина шәрехләмә бирде: «Татарстан Республикасы Дәүләт Советы тарафыннан инициативаны хупладык, ул безнең илебезне яклауга юнәлдерелгән. КоАП (Административ хокук бозулар турында кодекс)ка кабул ителгән үзгәрешләр буенча, Россиягә, аның суверенитетына һәм иминлегенә каршы юнәлтелгән гамәлләрне кылганнар, канунның барлык катылыгы буенча җавап бирәчәкләр. Хокук бозучылар мәхкәмә карарын үтәүдән кача алмасын өчен, аларның мөлкәтенә арест салу мөмкинлеге кертелә».
Россия чикләре тышында хокук бозучыларны җаваплылыкка тарту мөмкин булган матдәләр саны 2 дән 15 кә кадәр артты. Өстәмәләр түбәндәгечә:
- РФның территория бөтенлеген бозуга юнәлтелгән гамәлләрне башкаруга чакырулар, шулай ук аңа карата санкцияләр кертү;
- РФның Кораллы Көчләрен дискредитацияләү;
- нацистик Германияне җиңүдә совет халкының хәлиткеч ролен инкарь итү;
- экстремистик материалларны, террористик эшчәнлекне башкаруга чакыру эчтәлегендә мәгълүматлар җитештерү һәм тарату.