Почта Татарстанның барлык халкын «Җиңү чәчәге» акциясенә кушылырга чакыра.
Россия Почтасы Бөек Ватан сугышы геройларының истәлегенә багышланган «Җиңү чәчәге» онлайн-проектының мәгълүмати партнёры булып чыгыш ясады. Акция 9 май алдыннан хәзерлектә «Одноклассники» социаль челтәрендә үтә.
Акциядә катнашыр өчен, ОК-дагы (https://ok.ru/app/cvetokpobedy) махсус кечкенә кушымтага керергә, Бөек Ватан сугышы истәлеген сайларга һәм аңа виртуаль кызыл канәфер салырга, ә чын букетлар истәлек урыннарына җиткереләчәк. Геройлар истәлеген дөньяның теләсә кайсы ноктасыннан хөрмәтләп була.
Бу елны «Җиңү чәчәге» проекты тагын да киңрәк булды: аңа 15 шәһәрдә – Севастопольдән Владивостоккача, шул исәптән чит илләрдән – Казакъстан, Үзбәкстан, Алмания, Беларусь Республикасыннан истәлек урыннары кушылды. Барысы кушымтада 25 истәлек урыны тәкъдим ителгән.
Инициативаның төп максаты – Бөек Ватан сугышы геройларына миллионнарча кешенең рәхмәтен берләштерү. Проект күп гаиләләр өчен изге булган Мәңгелек ут янына чәчәкләр куеп калдыру традициясен хуплап, истәлек урынына шәхсән барып булмаса да, геройларның истәлегенә ихтирамны күрсәтергә мөмкинлек бирә. Проектның мәгълүмати партнёры булып Россия Почтасы чыгыш ясады.
«Партнерларыбызның акциясе виртуаль рәхмәтне истәлек урыннары тирәсендәге җанлы чәчәкләргә әйләндереп, геройларга безнең рәхмәтебезне җиткерә». «Тарихи хәтерне саклауга, Бөек Ватан сугышы геройларын бәйрәм итүдә илләбез кешеләрен берләштерүче инициативаларны һәрвакыт хуплап торабыз», – диде Россия Почтасының стратегия һәм маркетинг буенча директоры Антон Мягков.