Мамадышта SUNNYФЕСТ 8 меңнән артык тамашачыны җыйды.

2026 елның 10 феврале, сишәмбе

Үткән ялларда Мамадыш иң якты кышкы вакыйгаларның берсе – креатив чаналар фестивале мәйданына әверелде. Быел анда 30 команда катнашты. Катнашучылар кунакларны фантазия, осталык һәм детальләргә игътибар белән гаҗәпләндереп, гадәти булмаган чаналар конструкцияләрен тәкъдим иттеләр. Минзәлә районының яшьләр эшләре һәм спорт бүлеге командасы легендар тачанкага охшатып ясалган чаналарда Василий Иванович Чапаев, Петька (Петр Исаев) һәм Анка-пулемётчы образы белән 2 урын яулады. Командабызны котлыйбыз һәм яңа иҗади уңышлар телибез.