Минзәләдә Социаль фондның Клиентлар хезмәте эшчәнлегенә нәтиҗәләр ясадылар һәм киләчәккә планнар билгеләделәр.
"Ялкын" яшьләр үзәгендә Татарстан Республикасы буенча Россия Социаль фондының Клиентлар хезмәте (бүлек хокукларында) эшчәнлегенә 2025 ел нәтиҗәләренә һәм 2026 елга төп эш юнәлешләрен билгеләүгә багышланган җыелыш узды.
Җыелышта катнаштылар:
Фердинат Закиров, Татарстан Республикасы буенча СФР идарәчесе урынбасары;
Руслан Шәнгәрәев, Яр Чаллы шәһәрендә клиентлар хезмәте (бүлек хокукларында) җитәкчесе;
Нэля Бикеева, Минзәлә районы Башкарма комитеты җитәкчесенең социаль мәсьәләләр буенча урынбасары.
"2025 елдагы эш нәтиҗәләре һәм 2026 елга планнар» доклады белән Минзәлә районында клиентлар хезмәте (бүлек хокукларында) җитәкчесе Алсу Ганиева чыгыш ясады.
Бүген Россия Социаль фонды — бу гражданнарны тормышның барлык этапларында: бала туганнан алып өлкәннәрне кайгыртуга кадәр ярдәм белән тәэмин итүче төп институт. Минзәлә районында фонд актив эшли, меңләгән кешегә түләүләр һәм хезмәтләр күрсәтә.
Алсу Фатих кызы фонд эшчәнлегенең барлык аспектларын җентекләп яктыртты, аеруча мөһим юнәлешләргә игътибар бирде, шулар арасында: ана капиталы, пенсияләрне индексацияләү, Бөек Ватан сугышында Җиңүнең 80 еллыгы уңаеннан бер тапкыр бирелә торган түләүләр, күп балалы аналарга пенсия тәэминаты, вакытлыча эшкә яраксызлык һәм ана булу буенча пособиеләр, инвалид гражданнарны техник реабилитация чаралары белән тәэмин итү, СВО катнашучылары һәм аларның гаиләләренә ярдәм чаралары һәм башка күп нәрсәләр.
Клиентлар хезмәте җитәкчесе (бүлек хокукларында) Руслан Шәнгәрәев, шулай ук 2025 елда Минзәлә районында Клиентлар хезмәте эш нәтиҗәләренә күзәтү ясады һәм 2026 елга төп эш юнәлешләрен билгеләде.
ТР буенча СФР бүлеге идарәчесе урынбасары Фердинат Закиров, барлык хезмәтләрне халыкка вакытында һәм сыйфатлы күрсәтү, шулай ук мөрәҗәгатьләр һәм шикаятьләрне оператив эшкәртү өстенлекле бурыч булып калуын ассызыклады.
Ул шулай ук фонд хезмәткәрләренә башкарган эшләре өчен рәхмәт белдерде.
Йомгаклау җыелышы аерылып торган хезмәткәрләрне тантаналы бүләкләү белән тәмамланды.