Бүген Минзәлә районында яшәүче, тыл хезмәткәре, хезмәт ветераны Миңнегалиева Асия Нурмөхәммәт кызы 97 яшьлек туган көнен билгеләп үтә.
Асия Нурмөхәммәт кызы 1929 елның 4 февралендә Минзәлә районының Сарсаз-Тралы авылында туган.
Магнитогорск шәһәрендә эшләгән, урман кискән, торф чыгарган. 1955 елда туган авылына кайтып, кияүгә чыккан. Яшь гаилә колхозда эшләгән. Ире төрле эшләрдә эшләгән, Асия Нурмөхәммәт кызы агитатор булган.
Асия Нурмөхәммәт кызының күпсанлы рәхмәт хатлары, мактау грамоталары бар, «1941-1945 елларда Бөек Ватан сугышында фидакарь хезмәт өчен» медале белән бүләкләнгән. Ире белән 5 бала тәрбияләп үстергәннәр. Әбинең 10 оныгы һәм 9 оныкчыгы бар.
Хөрмәтле Асия Нурмөхәммәт кызы!
Туган көнегез белән ихлас котлауларыбызны кабул итегез!
Без сезнең буын белән горурланабыз – геройлар һәм җиңүчеләр буыны, алар Бөек Ватан сугышының авыр сынауларын намус белән үттеләр.
Сезгә ныклы сәламәтлек, озын гомер, яхшы кәеф, якыннарыгызның игътибарын телибез.
Минзәлә муниципаль районы башлыгы Айдар Сәлахов.