Әлфия Когогина: Күп балалы гаиләләргә яңа ярдәм чаралары күрсәтеләчәк.
Дәүләт Думасы Гражданлык процессуаль кодексына үзгәрешләр кертү турында закон проектын беренче укылышта кабул итте, анда башкарма документлар буенча тартып алу мөмкин булмаган милек исемлеген тулыландыру турында сүз бара.
Россия Федерациясе Дәүләт Думасы депутаты, кече һәм урта эшмәкәрлек комитеты рәисенең беренче урынбасары, "Бердәм Россия" партиясенең "Эшмәкәрлек" федераль проекты координаторы Әлфия Когогина аңлатма бирде:
"Без ана, ата һәм бала хокукларын яклау буенча эшне дәвам итәбез, һәм бүген күп балалы гаиләләргә яңа ярдәм чаралары күрсәтеләчәк закон проектын беренче укылышта хупладык. Инициатива күп балалы гаиләләрнең социаль ярдәм буларак алынган җир участогын, шулай ук гаиләдә бердәнбер булган транспорт чарасын бурычлар өчен тартып алуны тыя. Бу күп балалы гаиләләрнең матди шартларын һәм социаль-хокукый ярдәмне саклау өчен мөһим".
Документта башкарма документлар буенча тартып алу мөмкин булмаган милек исемлеген тулыландыру тәкъдим ителә, җир участоклары, өч һәм аннан күбрәк баласы булган граждан-должникка җир законнары нигезендә социаль ярдәм чарасы буларак бушлай бирелгән.